28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
U vyjhryšy tolki rasijskaja ŭdava Paŭła Fiłončyka — maładoha chłopca z Mazyra.
Paŭłu Fiłončyku było 28 hadoŭ. Jon rodam z Mazyra. Miarkujučy pa sacsietkach, vučyŭsia na fakultecie fizičnaha vychavańnia Mahiloŭskaha dziaržaŭnaha ŭniviersiteta imia Arkadzia Kulašova.
Fiłončyk pracavaŭ na roznych rabočych śpiecyjalnaściach. Nieviadoma, ci jość u jaho sudzimaści, ale ŭ niejki momant svajho žyćcia jon mocna złoŭžyvaŭ ałkaholem. Nie paźniej za 2023 hod pierajechaŭ u Rasiju — pracavaŭ tam, pieryjadyčna braŭ mikrazajmy i kredyty.
Apošnim časam Pavieł žyŭ u vioscy Rakava Puškinskaha rajona Maskoŭskaj vobłaści Rasii. Pracavaŭ rabočym u sanatoryi «Viktoryja», jaki znachodzicca tam ža.
U mai hetaha hoda jon ažaniŭsia z rasijankaj z Puškina. A nieŭzabavie zavierbavaŭsia na vajnu, i 18 lipienia vykłaŭ pieršaje fota adtul.
Pa infarmacyi prajekta «Chaču žyć», jaho pryznali zahinułym 28 žniŭnia 2025 hoda, zaŭvažyŭ telehram-kanał «Viciebsk, ja hulaju».
Udava z Puškina atrymaje hrošy za śmierć biełarusa.
«Naša Niva» — bastyjon biełaruščyny
PADTRYMAĆ
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary