Biełarusy znachodziać vielizarnyja jadomyja hryby. Ale zrazać ich, akazvajecca, nielha
Hryby i praŭda mohuć vyrastać hihanckich pamieraŭ: maksimalnaja vaha moža dasiahać 25 kh.
Na minułym tydni ŭvahu ŭsich amataraŭ cichaha palavańnia zachapiŭ vializny 10‑kiłahramovy hryb, znojdzieny ŭ poli pablizu Babrujska.
Takija ž hihanty byli zaŭvažanyja čytačom Onliner u Bresckaj vobłaści. Hryby adnosiacca da siamiejstva šampińjonavych, jany jadomyja, ale jość niuans, pra jaki važna pamiatać.
Pravilna hety vid nazyvajecca kalvacyja hihanckaja (Calvatia gigantea). Hryby i praŭda mohuć vyrastać hihanckich pamieraŭ: maksimalnaja vaha moža dasiahać 25 kh.
— Hryb jadomy, pakul miakać unutry biełaja. Kali choć trochi pačała zielanieć, navat lohkim adcieńniem, to ŭžo ŭsio, jeści nielha, — raspaviała Onliner navukoviec u halinie mikałohii Hanna Antonavič.
— Ale adznaču, što hety hryb źjaŭlajecca čyrvanaknižnym, maje treciuju katehoryju achovy. Za zbor čyrvanaknižnaha vidu moža pahražać štraf (ad 20 da 30 bazavych). Havorka mienavita pra zbor, prosta fatahrafavać hryb, nie źbirajučy jaho, nikim nie zabaroniena.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary