Śledčaje ŭpraŭleńnie Słužby biaśpieki Ukrainy ŭ Čarnihaŭskaj vobłaści raskryła arhanizavanuju hrupu, jakaja dapamahała mabilizavanym ukraincam uciačy z navučalnaha vajskovaha centra «Dziasna» i dabracca da biełaruskaj miažy, daviedałasia «Radyjo Svaboda».
Jak stała viadoma «Svabodzie» z krynic u pravaachoŭnych orhanach, adpaviednuju kryminalnuju spravu rasśledujuć z traŭnia 2025 hoda pavodle č. 1 artykuła 114‑1 Kryminalnaha kodeksa Ukrainy — pieraškoda zakonnaj dziejnaści Uzbrojenych sił u asablivy pieryjad. Fihurantam spravy pahražaje pazbaŭleńnie voli na termin ad 5 da 8 hadoŭ.
Pasiarednikam vystupaŭ miascovy taksist, ź jakim vajskoŭcy jeździli z navučalnaha centra ŭ najbližejšyja kramy. Padčas takich pajezdak kiroŭca prapanoŭvaŭ mabilizavanym dapamohu ŭ vyvazie ich da miažy ź Biełaruśsiu ŭ abjezd błokpastoŭ. Za pasłuhi jon prasiŭ 10 tysiač hryŭniaŭ (kala 240 dalaraŭ ZŠA).
Vyvoziŭ vajskoŭcaŭ tolki z centra, a potym nibyta pieradavaŭ inšamu vajskoŭcu, jaki na aŭtamabili adnaho ź miascovych dabračynnych fondaŭ abiacaŭ pieravieźci «ŭciekačoŭ» u viosku Niadančyčy Čarnihaŭskaj vobłaści, dzie jany mahli pierasiačy miažu Biełarusi na nadzimanym matracy praz Dniapro.
U Adzinym dziaržaŭnym rejestry sudovych rašeńniaŭ jość niekalki paviedamleńniaŭ pra zatrymańni mužčyn pryzyŭnoha ŭzrostu mienavita ŭ Niadančyčach. Zatrymanyja raskazvali, što źbiralisia pierajści miažu ŭ kirunku Biełarusi pa Dniapry na matracy.
Adnak «Svabodzie» nie ŭdałosia vyśvietlić, ci źjaŭlajucca hetyja vypadki epizodami spravy ab padziejach u navučalnym centry «Dziasna», jakuju ciapier rasśledujuć.
Va Ukrainie ŭ vyšuku znachodziacca pryblizna 1,5 miljona mužčyn pryzyŭnoha ŭzrostu praz toje, što jany nie abnavili svaje źviestki ŭ terytaryjalnych centrach kamplektavańnia.
Ad studzienia 2022 pa vierasień 2025 hoda zarehistravali 235 646 kryminalnych spraŭ za samavolnaje pakidańnie vajskovaj čaści, a 53 954 — za deziercirstva.
Ad pačatku 2025 hoda va Ukrainie adkryli 47 046 spraŭ ab parušeńni pravił vajskovaha ŭliku — amal stolki sama, kolki za ŭvieś 2023 hod.
Ukrainskija vydańni pieryjadyčna infarmujuć pra toje, jak ukrainskija rekruciory, imknučysia pavialičyć kolkaść žyvoj siły na froncie pa miery prasoŭvańnia rasijskich vojskaŭ i rostu zaniepakojenaści adnosna budučaj padtrymki Zachadu, pravodziać rejdy pa kancertach, kłubach i kaviarniach, šukajučy ludziej, jakija, mahčyma, uchilajucca ad vajskovaj słužby.
Praz takija vypadki ŭ 2024 hodzie va Ukrainie adbyłosia niekalki vybuchaŭ u TCK i napadaŭ na ich pradstaŭnikoŭ. Ułady Ukrainy śćviardžali, što heta adbyvajecca pad kuratarstvam rasijskich śpiecsłužbaŭ, kab sarvać mabilizacyju.
Pad Kijevam «mabilizavali» kata. Vajskoviec chacieŭ padaryć dziciaci kata z prytułku, ale zabraŭ na vulicy čužoha
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
Hramadzianin Biełarusi nie moža zvolnicca z ukrainskaha vojska i atrymać hramadzianstva Ukrainy
Załužny: Ukrainu ŭratuje stvareńnie kibierfizičnaj sistemy abarony, z aporaj na robataŭ
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary
Nielha prymušać čałavieka addavać svajo žyćcio, jaho možna tolki zaachvočvać. Vykaraniajcie ź siabie savok, ružovyja poni.