«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
Syn apošniaha šacha Irana Reza Piechlevi ŭ intervju dyrektaru miedyjakancerna Axel Springer Maciasu Diopfnieru zaklikaŭ ZŠA da vajennaha ŭmiašańnia suprać uład Irana.
Pavodle jaho słoŭ, pieramovy pamiž Vašynhtonam i Tehieranam nie pryviaduć ni da jakoha vyniku, a režym ajatałaŭ «prosta kuplaje čas», piša Bild.
«Na praciahu 40 hadoŭ ZŠA i ich sajuźniki davali režymu šaniec z dapamohaj dypłamatyčnych pieramoŭ. Ale suisnavańnie z režymam ajatałaŭ niemahčyma: ich adzinaja meta — ekspartavać ideałohiju, ekstremizm i radykalizm, jakija zaraz spustašajuć Jeŭropu. Źmiena režymu nieabchodna, ale nie tolki tamu, što my chočam być svabodnymi», — skazaŭ Piechlevi.
Jon zajaviŭ, što biez udaru pa kiraŭnictvu krainy i siłavym strukturam pieramieny niemahčymyja.
«Jany [ułady krainy] praciahvajuć bojniu ŭ turmach. Jany hvałciać žančyn. Jany zabivajuć paranienych u balnicach. Bolš za 300 000 čałaviek paranieny, bolš za 40 000 zaklučany ŭ turmu. Pa apošnich atrymanych mnoju dadzienych, zahinuła pa mienšaj miery 36 000 čałaviek. Heta hienacyd», — dadaŭ naśledny prync Irana.
Na fonie Miunchienskaj kanfierencyi pa biaśpiecy ŭ Hiermanii zapłanavana akcyja iranskaj apazicyi, u jakoj, pa dadzienych arhanizataraŭ, mohuć pryniać udzieł da 100 tysiač čałaviek.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary
Kali pratesty byli na padjomie voś tady i treba było "dapamahać". Tym bolej, što i amierykanskaja marskaja eskadra była na addalenni streła.
A zaraz užo pozna - čas syjšou.
Atakavać Iran, i zrynuć Ajatału, heta samaje prostaje, a nastupstvy dla rehijonu i zabiespiačennia naftaj, zastanucca na doŭhi čas...