Tramp zajaviŭ, što Pucin hatovy da ździełki. Kab tolki Zialenski nie spudłavaŭ
Prezident ZŠA Donald Tramp zajaviŭ, što, na jaho dumku, Rasija hatovaja zaklučyć mirnaje pahadnieńnie z Ukrainaj. Pry hetym jon padkreśliŭ, što ŭkrainski lidar Uładzimir Zialenski pavinien dziejničać, kab nie stracić mahčymaść spynić vajnu. Pavodle Trampa, kali Kijeŭ nie zrobić krokaŭ nasustrač, šaniec na damoŭlenaść moža być stračany.
«Rasija choča zaklučyć ździełku, i Zialenski pavinien ruchacca. U advarotnym vypadku jon upuścić vydatnuju mahčymaść, jamu pryjdziecca dziejničać», — skazaŭ Tramp žurnalistam 13 lutaha, adkazvajučy na pytańnie, ci pa-raniejšamu Vašynhton patrabuje ad Zialenskaha pravieści prezidenckija vybary da leta.
Raniej vydańnie Financial Times sa spasyłkaj na ŭkrainskich i zachodnich čynoŭnikaŭ paviedamlała, što va Ukrainie razhladajuć mahčymaść praviadzieńnia prezidenckich vybaraŭ i refierendumu adnosna mirnaha pahadnieńnia z Rasijaj viasnoj 2026 hoda. Pavodle hetych krynic, aficyjnaja zajava mahła b prahučać 24 lutaha — u hadavinu pačatku rasijskaj ahresii.
Taksama paviedamlałasia, što administracyja Trampa nibyta nastojvała na praviadzieńni vybaraŭ i zaviaršeńni mirnych pieramoŭ da leta. Adnak Zialenski abvierh hetu infarmacyju. Jon adznačyŭ, što vybary mohuć adbycca tolki pry najaŭnaści nieabchodnych harantyj biaśpieki, i padkreśliŭ, što hałoŭnaj umovaj zastajecca biaśpieka krainy. Pavodle jaho słoŭ, pytańnie vybaraŭ čaściej uzdymajuć partniory Ukrainy, a nie sama ŭkrainskaja ŭłada.
Tym časam u Kramli paviedamili, što čarhovy raŭnd pieramoŭ ab urehulavańni kanfliktu zapłanavany na 17—18 lutaha ŭ Ženievie. Rasijskuju delehacyju hetym razam uznačalić pamočnik prezidenta Rasii Uładzimir Miadzinski.
Piaskoŭ i Łaŭroŭ zajavili pra nieabchodnaść «pa-mužčynsku» trymacca «razumieńniaŭ», dasiahnutych u Ankorydžy
Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
U ZŠA padrychtavali novyja sankcyi suprać Rasii na vypadak pravału pieramoŭ
Tramp zajaviŭ, što Pucin «strymaŭ abiacańnie» nie abstrelvać ukrainskija harady na praciahu tydnia
«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary