«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
Dziaržsakratar ZŠA na Miunchienskaj kanfierencyi pa biaśpiecy zajaviŭ, što Zachad dapuściŭ stratehičnyja praliki ŭ pytańniach svabodnaha handlu, klimatyčnaj palityki i mihracyi, piša Bild.
Pavodle jaho słoŭ, krainy «razam ździejśnili hetyja pamyłki», pieradaŭšy častku suvierenitetu mižnarodnym strukturam, paddaŭšysia «klimatyčnaj siekcie i biesprecedentnaj masavaj mihracyi».
«Nacyjanalnaja biaśpieka — heta nie prosta techničnaje pytańnie. Kolki my tracim na ŭzbrajeńnie, jak my jaho vykarystoŭvajem — heta važnyja pytańni, ale nie samyja klučavyja. Klučavoje pytańnie, na jakoje my pavinny adkazać: što mienavita my abaraniajem? Armii zmahajucca za ludziej, armii zmahajucca za nacyi, armii zmahajucca za ład žyćcia», — adznačyŭ Rubia.
Kiraŭnik Dziarždepartamienta taksama zaklikaŭ refarmavać mižnarodnyja instytuty, a nie likvidavać ich. AAN, na jaho dumku, zdolnaja prynosić karyść, ale tak i nie zmahła vyrašyć klučavyja kryzisy.
Jon nahadaŭ, što ŭ pytańniach pieramirja ŭ Hazie i pieramoŭ pa Ukrainie spatrebiłasia amierykanskaje lidarstva.
«Zaniapad — heta vybar. ZŠA nie chočuć być kiraŭnikami kantralavanaha zaniapadu i raźličvajuć na mocnych sajuźnikaŭ», — reziumavaŭ Rubia.
-
«Spynić situacyju, kali ludzi znachodziacca na ŭtrymańni dziaržavy ad samaha pryjezdu». Irłandyja prapanuje ŭkraincam «ščodryja» vypłaty za viartańnie dadomu
-
Praz kanflikt z Papam Rymskim Tramp pačaŭ stračvać padtrymku vybarščykaŭ. U Vašynhtonie zahavaryli pra prymireńnie
-
U Tomsku źnieśli pomnik represavanym: siarod ich byli departavanyja ź Biełarusi palaki, a taksama biełarusy, jakich prymušali źmianiać nacyjanalnaść
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było59
Kamientary
A tym časam trochi imionaŭ klučavych fihuraŭ MAGA i iže ź imi:
– Mełanija Tramp, u dziavoctvie Knaŭs. Kamentary chiba lišnija.
– Uša Vens, u dziavoctvie Uša Bała Čykułury.
– Madhu Hatumukała. Kamentary chiba lišnija. Typovy ŭajt anhła-amerykan z kryvi i kości.
– Keš Pateł. Taksama absalutna nie mihrant.
– Iłan Mask. Taksama duža-duža karenny amerykaniec.
– Peter Tyl. Daŭni siabar i mentar Vensa, mihrant ź Niamieččyny. Darečy, maje duža cikavuju (z punktu hledžańnia MAGA-sekty) aryjentacyju.
– Nik Fuentes. Hanarovy nośbit vielmi tradycyjnaha i anhłaamerykanskaha proźvišča i pa sumiaščalnictvie syn emihranta z Meksyki.
Razumieć pad tymi słovami možna što zaŭhodna, i prymianić da čaho zaŭhodna, i ŭ luboj pozie...