U ES abmiarkoŭvajuć źmienu praviłaŭ členstva, kab dapamahčy ŭstupleńniu Ukrainy
Novyja siabry ES mohuć dałučacca biez prava vieta — Brusiel šukaje sposab abyści Viktara Orbana, piša Politico.
Jeŭrapiejski Sajuz razhladaje novy płan pa pašyreńni: krainy-kandydaty, takija jak Ukraina i Małdova, mahli b dałučycca da błoku, nie atrymaŭšy adrazu poŭnaha prava hołasu. Hetaja ideja — novaja sproba dać impuls pracesu pašyreńnia, jaki błakujecca Vienhryjaj i niekalkimi inšymi stalicami.
Prapanova, jakaja znachodzicca pakul na rańniaj stadyi, patrabuje ŭchvaleńnia ŭsich krain-siabroŭ. Sutnaść u tym, kab novyja siabry atrymlivali prava vieta tolki paśla taho, jak sam ES praviadzie ŭnutranyja reformy, jakija dazvolać prymać bolšaść rašeńniaŭ kvalifikavanaj bolšaściu, a nie adzinahałosnym kansensusam.
Čamu heta prablema?
ES zrabiŭ pašyreńnie stratehičnym pryjarytetam u adkaz na ahresiŭnuju palityku Rasii. Adnak takija ŭrady, jak Vienhryja, aścierahajucca, što pryniaćcie vialikich novych krain (asabliva Ukrainy) pryviadzie da niepažadanaj kankurencyi na ich rynkach i pastavić pad pahrozu intaresy biaśpieki. Vienhierski lidar Viktar Orban rehularna vykarystoŭvaje svajo prava vieta dla zapavoleńnia pracesu.
Anton Hofrajter, staršynia Kamiteta pa jeŭrapiejskich spravach Bundestaha, padtrymaŭ ideju, zajaviŭšy: «Budučyja siabry pavinny buduć admovicca ad svajho prava vieta da taho času, pakul nie buduć realizavanyja klučavyja instytucyjnyja reformy… Pašyreńnie nielha zapavolvać asobnymi dziaržavami-členami».
Hety padychod dazvoliŭ by takim krainam, jak Ukraina, Małdova i Čarnahoryja, karystacca mnohimi vyhodami siabroŭstva, nie vyklikajučy bojazi ŭ dziejnych siabroŭ ES, što praces pryniaćcia rašeńniaŭ budzie paralizavany.
Kandydaty, asabliva krainy Uschodniaj Jeŭropy i Bałkan, vykazvajuć rasčaravańnie, što, niahledziačy na praviedzienyja ŭnutranyja reformy, jany ŭsio jašče nie bližej da ŭstupleńnia.
Ciapier čytajuć
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku6
Kamientary