Kim Kardašjan vypuściła liniju strynhaŭ, jakija imitujuć vałasy na łabku, — pieršuju partyju ŭžo raźmiali
Amierykanskaja zorka i pradprymalnica Kim Kardašjan prezientavała novuju liniejku trusoŭ pad ułasnym brendam Skims. Strynhi z hetaj sieryi imitujuć vałasy na łabku. Madel vyklikała haračaje abmierkavańnie i šalenstva siarod modnikaŭ — usie trusy byli raskuplenyja za paru dzion, ludzi masava zapisvajucca ŭ list čakańnia, kab atrymać svoj pamier, kali adšyjuć novuju partyju (pry tym što kaštujuć mikrastrynhi 32 dalary za štuku).
U proma-videa brend Skims prezientavaŭ navinku pad słohanam: «z našymi Fauh Hair Panty vaš dyvanok moža być luboha koleru, jakoha žadajecie».
Linija strynhaŭ sapraŭdy ŭklučaje šyrokuju liniejku koleraŭ — ad biełaha i bežavaha da rudoha i adcieńnia kakavy. Asobna možna vybrać, budzie kučaravaje ci pramoje vałośsie.
Navinku pazicyjanujuć samaj śmiełaj bializnaj usich časoŭ i adznačajuć, što heta — krok na šlachu da admovy ad supierhładkaj skury va ŭhodu modzie i standartam pryhažości.
«Možna vykinuć brytvy i admianić łazier. Raślinnaść aficyjna viarnułasia», — havorycca ŭ rekłamnym videa Skims.
Biełaruskija błohierki žartujuć na temu taho, jak škada tych, chto ŭžo ŭkłaŭsia hrašyma ŭ łaziernuju epilacyju — moda mianiajecca chutčej, čym vydalajecca raślinnaść na ciele.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary