Biełaruska pierajechała sa Słonima ŭ francuzskuju viosku, dzie pracuje siadziełkaj u miascovych piensijanieraŭ — i ščaślivaja VIDEA
Maryja Alaksiejenka sa Słonima razam z mužam viasnoj 2024‑ha pierajechała ŭ viosku na zachadzie Francyi, niedaloka ad horada Majen. Da hetaha žančyna budavała karjeru ŭ Dubai, apošnim časam zajmałasia kvietkami, ale vyjšła zamuž, i razam z mužam jany vyrašyli pierabracca ŭ Jeŭropu.
Svaimi budniami z žyćcia siadziełki dla piensijanieraŭ u francuzskaj pravincyi Maryja dzielicca ŭ błohu.
«Ja čatyry hady pražyła ŭ Dubai, i mnie vielmi brakavała śviežaha pavietra, zielaniny i mahčymaści spakojna vyjści na vulicu», — tłumačyć pryčynu novaj emihracyi dziaŭčyna. Pryznajecca, što ich mała chto zrazumieŭ: jak heta — pramianiać miehapolis i stabilnuju pracu na viosku i nieviadomaść u krainie sa składanaj movaj?
Ale dziaŭčyna jak palihłotka, što ŭ svoj čas skončyła MDŁU, z nula zasvoiła bazavy ŭzrovień francuzskaj za paŭhoda. Kaža, što vybaru ŭ jaje i nie było: inakš u vioscy jana ni z kim by nie parazumiełasia.
Spačatku Maryja padpracoŭvała prybiralščycaj i nianiaj, a paśla pa rekamiendacyi stała siadziełkaj dla niekalkich piensijanieraŭ. U jaje abaviazki ŭvachodzić jak zakup praduktaŭ i hatavańnie, tak i pravietryvańnie pamiaškańniaŭ, dapamoha z tualetam, hihijenaj, uklučna z manikiuram, prybirańnie, prasavańnie bializny, čytańnie knižak i haziet, a taksama vyhuł sabak.
Za hadzinu takoj pracy ŭ siarednim prapanoŭvajecca 13 jeŭra, ale ahułam staŭka zaležyć ad prapanovy kankretnaj siamji.
podrobnieje o mojej provincialnoj žiźni vo Francii smoritie v INSTAHRAM: @mashaaliakseyenka
Pracoŭny dzień žančyny pačynajecca a 9‑j ranicy i (ź pierapynkami na svaje spravy, kali piensijaniery śpiać), zakančvajecca ŭ 9‑j viečara.
bolšie o našiej žiźni-priklučienii vo francuzskoj provincii smotritie u mienia v INSTAHRAM: @mashaaliakseyenka ✨
Maryja kaža, što joj vielmi padabajecca dapamahać ludziam, tamu jana časta robić niešta pa-za svaimi abaviazkami. Tak, na 89 hadoŭ jana kupiła padapiečnaj bukiet jaje lubimaha žoŭtaha koleru i šakaładnyja eklery — babula była pryjemna ździŭlenaja, bo zusim nie dumała śviatkavać svoj dzień naradžeńnia.
Adnym ź plusaŭ žyćcia ŭ francuzskaj pravincyi na kantraście z Dubajem, akramia dastupnaści ekałahičnych praduktaŭ i šykoŭnaj pryrody, Maša nazyvaje prymalny košt žytła. Tak, svoj pieršy dom jany z mužam zdymali za 350 jeŭra, a ciapier arandujuć kvateru za 420 jeŭra. Ich miesiačny biudžet na dvaich razam z praduktami, trenažornaj załaj, masažam i raschodami na kata siońnia składaje 1598 jeŭra.
Pieravaha pravincyi taksama ŭ tym, što tut možna chutčej atrymać VNŽ — kali ŭ Paryžy jaho čakańnie moža raściahnucca na hady, tut Maryja mieła dakumient na rukach praz dva miesiacy.
Hałoŭny ž minus vioski, pa pryznańni Mašy — małaja kolkaść maładych ludziej dla sumiesnych tusovak i razmovaŭ. Jaje hałoŭny siabra-francuz — taksama mužčyna va ŭzroście. Maryja znajomić jaho ź biełaruskaj movaj i kuchniaj, i taksama zdymaje pra heta kantent.
Pahladzicie, jak, naprykład, francuz kajfuje ad smaku biełaruskaha syrka.
lubimyj hieroj mojeho mikrobłoha— Luk❤️ pieriechoditie ko mnie v instahramm @mashaaliakseyenka, čtoby nabludať za ŽIVOJ francuzskoj provincijej hłazami biełoruski!
A voś tak u francuzskaha siabra Mašy atrymałasia pračytać słovy na biełaruskaj movie, jakuju jon čuŭ upieršyniu ŭ žyćci.
Bolšie o žiźni vo DIERIEVNIE v mojem instahram: @mashaaliakseyenka PODPISYVAJSIA!
Čamu my prajhrali ŭ 2020 hodzie? Razvahi Mikoły Dziadka21
Kamientary
Damočka, najdutsia dobrožiełatielno "kapnuť", kuda nado! Poetomu ostorožno s takimi otkrovienijami!