Sajt «Ukantakcie» rašeńniem KDB unieśli ŭ śpis resursaŭ dla abmiežavanaha dostupu, praź niekatorych apierataraŭ jon užo pierastaŭ adčyniacca. Na navinu adrazu adreahavali blizkija da siłavikoŭ i praŭładnyja kanały.
Kanał «Biełaruski siłavik» adrazu zapeŭniŭ, što zdareńnie adbyłosia pa «techničnaj pamyłcy».
«Dostup sapraŭdy abmiežavany, ale, jak mnie padkazali, praz techničnuju pamyłku. Situacyja nieŭzabavie budzie vypraŭlenaja. Chutčej za ŭsio, była pamyłka z uniasieńniem u śpis abmiežavańnia asobnaha profilu/hrupy», — skazana ŭ kanale.
Paźniej «Biełaruski siłavik» dapoŭniŭ: desktop-viersija sacsietki nie pracuje, bo kampanija nie vykanała patrabavańni dziaržaŭnych orhanaŭ. «VK nie zachacieŭ uličvać intaresy Biełarusi i zalacieŭ u błok».
Administratary «Žoŭtych źlivaŭ» taksama źviarnuli ŭvahu na «kankretnyja patrabavańni zakanadaŭstva».
«Prosta jość peŭnyja patrabavańni zakanadaŭstva, nie vykonvajučy jakija ŭ Biełarusi pracavać niemahčyma. Prablema mienavita ŭ nieadpaviednaści našym techničnym umovam. Jak tolki prablema budzie likvidavanaja, dostup adrazu budzie adnoŭleny.
My ŭpeŭnienyja, što heta adbudziecca ŭ najbližejšy čas. Ale tut užo ad administracyi «Ukantakcie» zaležyć, nakolki chutka pytańnie budzie vyrašana».
Z najbolšaj ironijaj na navinu adreahavaŭ kanał, blizki da HUBAZiK.
Pra błakiroŭku «Ukantakcie» stała viadoma ŭviečary 24 kastryčnika. Rašeńniem KDB sajt unieśli ŭ śpis dla resursaŭ z abmiežavanym dostupam.
Pa infarmacyi BiełTA, ciapier u Biełarusi nie pracuje tolki desktop-viersija sacsietki, na mabilnaj pryładzie «Ukantakcie» praciahvaje adčyniacca.
Pres-słužba sacsietki paviedamiła, što kampanija «vyvučaje situacyju» i robić usio nieabchodnaje, kab adnavić dostup da płatformy ŭ Biełarusi, adnak nie raskryła pryčyny pa jakim adbyłasia błakiroŭka.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary