Kanał Upraŭleńnia adukacyi Minharvykankama «Nastaŭniki stalicy» raskazaŭ pra svojeasablivy pratest školnikaŭ, jakich pazbavili mahčymaści karystacca mabilnymi telefonami.
Akazvajecca, u jakaści pomsty jany łamajuć unitazy, psujuć ścieny i meblu, zdymajuć heta na videa i vykładvajuć u sieciva. Paviedamleńnie ŭ dziaržaŭnym kanale visieła niadoŭha i było vydalena, zaŭvažyŭ Reform.news.
«Paśla zabarony telefonaŭ u škołach Biełarusi, jakaja ŭstupiła ŭ siłu z 1 vieraśnia 2025 hoda, u sacyjalnych sietkach źjavilisia videaroliki, źniatyja navučencami ŭstanoŭ adukacyi Minska z vypadkami vandalizmu, uklučajučy pałomku ŭnitazaŭ, psavańnie ścien i mebli», — padzialilisia prablemaj čynoŭniki.
U paviedamleńni zhadvajecca kalektyŭ Minskaha dziaržaŭnaha pałaca dziaciej i moładzi, jaki asabliva zaniepakojeny hetaj situacyjaj.
«My razumiejem, što abmiežavańni vyklikajuć niezadavolenaść u dziaciej, ale razbureńnie majomaści — heta nie vychad. Enierhija i kreatyŭnaść, jakija padletki nakiroŭvajuć na destruktyŭnyja fłešmoby, mohuć być vykarystanyja bolš praduktyŭna!» — ličać va Upraŭleńni adukacyi Minharvykankama.
Čynoŭniki rekamiendujuć zapuścić čelendž «Pierapynak biez telefona»: arhanizavać zony adpačynku z nastolnymi hulniami — ad šachmat da sučasnych hulniaŭ; zapuścić prahlady karotkamietražnych klipaŭ; stvaryć tvorčyja prajekty, art-abjekty, padkasty; uvieści školny bukkrosinh, papularyzavać čytańnie, padaŭžać žyćcio knih.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary