Dažylisia: pahałoŭje śviniej u Pskoŭskaj vobłaści ŭ 6 razoŭ bolšaje, čym u Viciebskaj
Časy, kali biełarusy mahli hanarycca, što ŭ našych vioskach zamožniej žyć i bolš ładu, čym u Rasii, daŭno ŭ minułym.
Niekali rasijskaje Niečarnaziemje było sinonimam zaniadbańnia. A Pskoŭskaja vobłaść — heta adzin z samych prablemnych, abiaźludziełych rehijonaŭ Rasii. Adnak ciapier situacyja ŭ biełaruskaj vioscy jašče horšaja.
Vydańnie «Viciebsk, ja hulaju» zaŭvažyła, što na kastryčnik Viciebskaja vobłaść zafiksavała najbujniejšaje za apošnija hady padzieńnie pahałoŭja śviniej. Biełstat piša, što jano skaraciłasia da 271 tysiačy hałoŭ, što na 59 tysiač mienš, čym miesiacam raniej. U cełym z pačatku hoda rehijon straciŭ amal tracinu ŭsiaho pahałoŭja — kala 120 tysiač śviniej.
A voś pa druhi bok miažy — supraćlehłaja dynamika. U Pskoŭskaj vobłaści, pavodle źviestak Pskoŭstata, kolkaść śviniej dasiahnuła 1,64 młn hałoŭ, pavialičyŭšysia na 2,7% za hod. Amal usio pahałoŭje skancentravana ŭ vializnych kompleksach — «VSK», «PskoŭAhraInviest» i «Idavanh».
Nasielnictva rehijona, ź jakoha pačałasia karjera Natalli Kačanavaj i Alaksandra Kosinca, skaraciłasia z 1,44 miljona čałaviek pa stanie na 1995 hod da 1,07 miljona na pačatak 2025 hoda.
Nasielnictva Pskoŭskaj vobłaści składaje 574 tysiačy čałaviek.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
26 młn suprać 2.2.