Нацыянальная лідарка Беларусі падзякавала Дональду Трампу за гэтае рашэнне, адзначыўшы, што з Коўлам яны ўжо некалькі месяцаў супрацоўнічаюць дзеля вызвалення палітвязняў і спынення рэпрэсій.
«Прэзідэнт ЗША Дональд Трамп намінаваў Джона Коўла на пасаду спецыяльнага пасланніка па Беларусі. Гэта важны і абнадзейваючы крок — знак таго, што Беларусь і нашы палітвязні застаюцца ў фокусе ўвагі Злучаных Штатаў.
Хачу падзякаваць Прэзідэнту Трампу за гэта рашэнне і за ўсе ягоныя намаганні дзеля вызвалення людзей. Толькі за апошнія месяцы дзякуючы ягонай камандзе амаль 100 беларускіх палітычных закладнікаў выйшлі на волю. За гэтай лічбай — жывыя людзі, іх сем’і, іх боль і чаканне. І цяпер мы чакаем новых вызваленняў.
Разам з Джонам Коўлам і яго камандай мы ўжо некалькі месяцаў працуем над тым, каб вярнуць нашых людзей дадому, каб спыніць рэпрэсіі, каб даць надзею тым, хто ўсё яшчэ за кратамі. Мы цэнім гэтыя высілкі і будзем рабіць усё, каб як мага хутчэй пабачыць усіх на волі.
Пару месяцаў таму разам з спадаром Коўлам у амбасадзе ЗША ў Вільні мы сустракалі вызваленых закладнікаў. Яны прайшлі праз гады ізаляцыі, катаванняў. Гэта была вельмі эмацыйная сустрэча — слёзы, усмешкі, абдымкі.
Мы працягнем разам з нашымі партнёрамі дамагацца вызвалення ўсіх палітвязняў і сапраўдных пераменаў у Беларусі.
Беларусь будзе вольнай. І кожны, хто сёння ў палоне, вернецца дадому».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
дадому? яны ж не ў Беларусі