U Minsku sumnaviadomaja siamja z pomsty płanavała zabić bolš za 50 čałaviek
Zavieršanaje rasśledavańnie kryminalnaj spravy ŭ dačynieńni da siamiejnaj złačynnaj hrupoŭki, jakaja skłała śpis z 52 čałaviek dla fizičnaha źniščeńnia z pomsty. Svoj płan jany realizavali častkova, pazbaviŭšy žyćcia adnu žančynu. Padrabiaznaści raspaviali ŭ prakuratury Minska.
Historyja pačałasia ŭ 2018 hodzie, kali Alaksandr Lipski byŭ asudžany za pryčynieńnie cialesnych paškodžańniaŭ dvaim paciarpiełym i asabliva złosnaje chulihanstva.
Paśla ŭstupleńnia prysudu ŭ siłu ŭ 2020 hodzie asudžany razam z maci i baćkam vyrašyŭ adpomścić usim, chto, na jaho dumku, byŭ datyčny da jaho kryminalnaha pieraśledu.
Niekalki hadoŭ usie troje staranna rychtavalisia da ździajśnieńnia zabojstvaŭ: źbirali infarmacyju ab patencyjnych achviarach, viali za imi sačeńnie, raspracavali płan i nabyli ceły arsienał zbroi. Pry pieratrusie ŭ ich vyjavili pistalet, strałkovuju hładkastvolnuju zbroju, «hłušyciel» dla jaho, samarobnyja ručnyja hranaty, nie mienš za 150 bajavych patronaŭ, 27 mahazinaŭ da zbroi, a taksama ručnyja dymavyja hranaty i mnohaje inšaje.
8 listapada 2021 hoda Lipski prakraŭsia ŭ kvateru žančyny na staličnym praśpiekcie Rakasoŭskaha i zastreliŭ haspadyniu. Jaje muž cudam vyratavaŭsia, vyskačyŭšy z bałkona piataha paviercha.
Milicyi ŭdałosia vyjści na śled złačyncaŭ. U vieraśni 2024 hoda baćki Lipskaha byli zatrymanyja, a sam jon akazaŭ uzbrojeny supraciŭ i byŭ śmiarotna paranieny.
Kryminalnaja sprava nakiravanaja ŭ sud. Baćki abvinavačanaha znachodziacca pad vartaj.
Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ
Što viadoma pra chłopca, jakoha vinavacili ŭ zabojstvie ŭ Sierabrancy i zastrelili pry zatrymańni
Siłaviki raskazali, jak im udałosia znajści abvinavačanaha ŭ žorstkim zabojstvie ŭ Sierabrancy
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary