Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ
U 2021 hodzie adbyłosia rezanansnaje zabojstva žančyny ŭ staličnaj Sierabrancy. Śledčym spatrebiłasia try hady, kab złavić złačyncu. Ciapier stali viadomy padrabiaznaści kryminalnaha detektyva.
U listapadzie 2021 hoda ŭ kvateru na praśpiekcie Rakasoŭskaha ŭvarvaŭsia ŭzbrojeny mužčyna i niekalki razoŭ streliŭ u 33-hadovuju žančynu. Jana zahinuła. Aproč taho, napadnik pasprabavaŭ zabić jaje muža, ale toj zastaŭsia žyvym. Małady čałaviek źjechaŭ na sierabrystym Ford Mondeo.
Milicyja chutka zmahła identyfikavać złačyncu — na toj čas 30-hadovaha Alaksandra Lipskaha. Ale na toje, kab jaho złavić, spatrebiłasia try hady.
Paśla ździajśnieńnia złačynstva ni maładoha čałavieka, ni jaho maci, ni aŭtamabila bolš nichto nie bačyŭ. Baćka chłopca znachodziŭsia na vachcie ŭ Rasii.
Vyznačyŭšy i abśledavaŭšy ŭsie miescy ŭ Biełarusi, dzie moh chavacca złačynca sa svajoj maci, śledčyja abviaścili ich u vyšuk i źviarnulisia da svaich kaleh u Rasii. Tyja ŭ svaju čarhu pravieryli bolš za dziasiatak mahčymych adrasoŭ z roznych rehijonach ad Branska da Krajniaj Poŭnačy. Adnak heta ničoha nie dało.
U toj ža čas baćka złačyncy paśla vachtaŭ rehularna pryjazdžaŭ u Biełaruś adpačyć. U žniŭni 2024 hoda, kali mužčyna ŭ čarhovy raz pryjechaŭ, śledčyja zaŭvažyli jaho dziŭnyja pavodziny. Lipski-starejšy paźbiahaŭ pajezdak na hramadskim transparcie, bieź vidavočnaj mety vyjazdžaŭ za horad, u lesie sustrakaŭsia z žančynaj, jakaja staranna imknułasia zabłytać svaje ślady.
Jak potym vyśvietliłasia, zahadkavaja žančyna na samoj spravie była maci Alaksandra — Raisa Lipskaja. Dla maskiroŭki kabieta vykarystoŭvała paryki i hruvastkija aksiesuary. Ličanyja chviliny joj byli patrebnyja na toje, kab zajści ŭ les impazantnaj žančynaj, a vyjści ź jaho ŭ vobrazie babulki z kijočkam. U takim vobrazie, kulhajučy i horbiačysia, jana prachodziła pa vulicy, a zaviarnuŭšy za vuhał, pieratvarałasia ŭ poŭnuju sił i enierhii žančynu ŭžo ŭ inšym adzieńni.
Adnak u peŭny momant Lipskija pierastaralisia ŭ svajoj hulni ŭ chovanki, ci, mahčyma, paličyli, što dastatkova zabłytali svaje ślady. Peŭnaha dnia starejšy Lipski, majučy svajo žyllo ŭ Sierabrancy na praśpiekcie Rakasoŭskaha, pa niejkaj pryčynie źniaŭ kvateru na Paŭdniovym Zachadzie na praśpiekcie haziety «Źviazda».
Raisa Lipskaja pa darozie na hetu kvateru ŭ susiednim mahazinie kupiła try pački marožanaha. I hetaja niaznačnaja detal stała nahodaj da aktyŭnych dziejańniaŭ milicyi. Było vyrašana pravodzić zatrymańnie, padčas jakoha Alaksandr Lipski zmoh schavacca i začynicca ŭ padvale pad bałkonam. Pry hetym jon sprabavaŭ adstrelvacca. U vyniku chłopiec byŭ ciažka paranieny strełami ŭ adkaz i paźniej pamior u balnicy.
Milicyjant praviaraje puls Lipskaha. Skryn videa
Paźniej siłaviki znajšli dziasiatki padrabiaznych instrukcyj z tłumačeńniami, što rabić i jak siabie pavodzić, kab syści ad vyšuku, jakija syn pisaŭ svajmu baćku. A sam jon z maci na praciahu troch hadoŭ pastajanna źmianiaŭ miesca žycharstva, zdymajučy žyllo biez damovy i ŭ padjezdach, dzie niama kamier nazirańnia.
U zdymnaj kvatery znajšli bolš za paŭsotni patronaŭ, blašanku z poracham, srodki sačeńnia i kantrolu. A ŭ haražy, jaki byŭ uziaty ŭ arendu za miesiac da zabojstva ŭ 2021 hodzie, paśla ŭskryćcia z dapamohaj sapioraŭ byŭ znojdzieny sierabrysty Ford Mondeo i ceły arsienał raznastajnych bojeprypasaŭ, srodkaŭ dla vyrabu vybuchovych prystasavańniaŭ, padrobleny rehistracyjny znak i niekalki dziasiatkaŭ patronaŭ, u jakich byŭ źmienieny parachavy zarad i paražajučy elemient.
Śledčyja taksama vyśvietlili, navošta Lipskamu-małodšamu heta ŭsio było patrebna. Byŭ znojdzieny śpis ludziej, jakich mužčyna nibyta płanavaŭ pakarać za «niespraviadlivyja» adnosiny da siabie. Pryčym na kožnaha čałavieka sa śpisu było sabrana cełaje daśje sa zdymkami, numarami telefonaŭ, u niekatorych vypadkach — płanami kvater, schiemami dvaroŭ i šlachoŭ adychodu.
Ciapier u adnosinach da baćkoŭ zabojcy viadziecca śledstva ŭ ramkach niekalkich kryminalnych spravaŭ. U pryvatnaści, jany ličacca padazravanymi ŭ padrychtoŭcy zabojstva pa matyvach pomsty. Za heta baćku moža pahražać až da pažyćciovaha źniavoleńnia. Dla žančyn jano nie prymianiajecca, tamu maci moža čakać da 25 hadoŭ źniavoleńnia.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary