Kiraŭnik Ofisa Zialenskaha: Nichto nie pavinien raźličvać, što my addadzim terytoryju
Kiraŭnik Ofisa prezidenta Ukrainy Andrej Jarmak zajaviŭ u intervju The Atlantic, što Zialenski na nastupnym etapie pieramovaŭ źbirajecca pravieści «čyrvonuju liniju» pa pytańni pieradačy terytoryj Rasii.
— Nivodny čałaviek sa zdarovym sensam siońnia nie padpiša dakumient ab admovie ad terytoryi. <…> Pakul Zialenski prezident, nichto nie pavinien raźličvać, što my addadzim terytoryju. Jon hetaha nie padpiša.
Kanstytucyja heta zabaraniaje. Nichto nie moža hetaha zrabić, kali tolki nie choča vystupić suprać Kanstytucyi i naroda Ukrainy, — zajaviŭ Jarmak.
Jon dadaŭ, što Ukraina hatova abmiarkoŭvać liniju sudakranańnia, jakaja adździelić terytoryi, kantralavanyja bakami.
Pucin učora na pres-kanfierencyi ŭ Biškieku, biez udakładnieńnia, pra jakija terytoryi idzie havorka, zajaviŭ, što «bajavyja dziejańni spyniacca» tolki kali ŭkrainskija vojski pakinuć «zaniatyja terytoryi». «Nie syduć — my dasiahniom hetaha ŭzbrojenym šlacham», — skazaŭ jon.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary
heta što? kiraŭnik? ofisa? prezidenta Ŭkrainy? zialenski tam nie kiruje ci što?
1891-?