Pierad pryjezdam Uitkafa Pucinu dałažyli pra zachop Pakroŭska i Vaŭčanska. Paćviardžeńniaŭ hetamu niama
Pres-sakratar Kramla Dźmitryj Piaskoŭ zajaviŭ, što padčas vizitu Uładzimira Pucina 1 śniežnia na adzin z kamandnych punktaŭ rasijskaj armii jamu dałažyli pra «vyzvaleńnie» rasijskimi vojskami Pakroŭska ŭ Danieckaj vobłaści i Vaŭčanska ŭ Charkaŭskaj. Adnak hetyja zajavy nie paćviardžajucca niezaležnymi OSINT-daśledčykami: na kartach bačna, što bajavyja dziejańni praciahvajucca, i poŭny kantrol Rasii nad haradami adsutničaje.
Načalnik rasijskaha Hienštaba Valeryj Hierasimaŭ nibyta paviedamiŭ Pucinu pra «pośpiechi nastupleńnia» i pra toje, što ŭ rajonie Pakroŭska rasijskija vojski akružajuć ukrainskija padraździaleńni.
Taksama zajaŭlałasia pra «vychad da raki Hajčur» u Zaparožskaj vobłaści i «pačatak apieracyi pa vyzvaleńni Hulajpola». Pry hetym Kreml nie daŭ nivodnaha videakadra sustrečy z Pucinym, što zvyčajna robicca adrazu.
Pavodle kart DeepState, u Pakroŭsku Rasija kantraluje kala pałovy horada, astatniaje — «šeraja zona».
U Vaŭčansku bolšaść terytoryi kantralujuć USU.
Danych pra poŭny kantrol Rasii nad hetymi terytoryjami niama ni ŭ amierykanskaha Instytuta vyvučeńnia vajny (ISW), ni ŭ finskaha OSINT-prajekta BlackBirdGroup.
Zajava Kremla prahučała napiaredadni vizitu ŭ Maskvu pieramoŭščykaŭ ad Biełaha doma — śpiecpasłańnika Donalda Trampa Styva Uitkofa i ziacia prezidenta ZŠA Džareda Kušnera. Jany pavinny pradstavić Pucinu čarhovuju viersiju mirnaha płana. Pytańnie terytaryjalnych ustupak Ukrainy pa-raniejšamu zastajecca sprečnym, i mahčymyja pośpiechi na froncie mahli b stać arhumientam dla Maskvy na pieramovach.
22 listapada toj ža Hierasimaŭ hetak ža sama ŭpeŭniena dakładvaŭ Pucinu pra zachop horada Kupianska ŭ Charkaŭskaj vobłaści, čamu z taho času nie było nijakich paćviardžeńniaŭ. Bolš taho — siońnia prezident Ukrainy Uładzimir Zialenski zajaviŭ, što na hety momant hety horad ad rasijskich vajskoŭcaŭ amal začyščany.
Zialenski zajaviŭ, što USU amal całkam začyścili Kupiansk ad rasijan
Pucinu dałažyli pra ŭziaćcie Kupianska. Voś čamu heta nie tak
Pucin atrymaŭ płan Trampa, ale nastrojeny praciahvać vajavać
Pahroza navisła nad Hulajpolem. Ci ŭdasca spynić rasijskaje nastupleńnie?
Abaronu Pakroŭska łamaje rasijskaje padraździaleńnie «Rubikon»
Prychavanaje praniknieńnie: jakija źmieny ŭ taktycy rasijskaj armii pakazaŭ šturm Pakroŭska?
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary