Na nastupnym tydni paśla niadoŭhaha pachaładańnia charaktar nadvorja ŭ Biełarusi značna źmienicca, bo na naš rehijon uzmocnić upłyŭ abšyrnaja cykłaničnaja depresija z centram nad Brytanskimi astravami.
U jaho piaredniaj častcy čakajecca mahutny vynas ciapła z Atłantyki. U vyniku na bolšaj častcy Jeŭropy ŭstalujecca anamalna ciopłaje nadvorje sa šmatlikimi tempieraturnymi rekordami.
Dzionnyja maksimumy na paŭdniovym zachadzie Francyi mohuć dasiahnuć +22°S, u Hiermanii +17°S, paviedamlaje telehram-kanał «Mieteavajb».
U Biełarusi pik ciapła čakajecca 10—11 śniežnia, kali sutkavyja maksimumy dasiahnuć +5…+10 °C, a tempieraturny fon miescami moža pieravysić normu na 10 °C. Taksama nie vyklučanyja novyja sutkavyja rekordy maksimalnych tempieratur.
Zhodna z doŭhaterminovym prahnozam madeli ECMWF, paśla niadoŭhaha pachaładańnia 13—14 śniežnia nas znoŭ moža čakać mahutnaja chvala atłantyčnaha ciapła.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary