На наступным тыдні пасля нядоўгага пахаладання характар надвор’я ў Беларусі значна зменіцца, бо на наш рэгіён узмоцніць уплыў абшырная цыкланічная дэпрэсія з цэнтрам над Брытанскімі астравамі.
У яго пярэдняй частцы чакаецца магутны вынас цяпла з Атлантыкі. У выніку на большай частцы Еўропы ўсталюецца анамальна цёплае надвор’е са шматлікімі тэмпературнымі рэкордамі.
Дзённыя максімумы на паўднёвым захадзе Францыі могуць дасягнуць +22°С, у Германіі +17°С, паведамляе тэлеграм-канал «Метэавайб».
У Беларусі пік цяпла чакаецца 10—11 снежня, калі суткавыя максімумы дасягнуць +5…+10 °C, а тэмпературны фон месцамі можа перавысіць норму на 10 °C. Таксама не выключаныя новыя суткавыя рэкорды максімальных тэмператур.
Згодна з доўгатэрміновым прагнозам мадэлі ECMWF, пасля нядоўгага пахаладання 13—14 снежня нас зноў можа чакаць магутная хваля атлантычнага цяпла.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый20
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары