Hazieta The New York Times padała ŭ sud Ńju-Jorka na startap Perplexity, zasnavany biełaruskim pradprymalnikam Dzianisam Jarcam. Miedyjakampanija skardzicca, što servis vykarystoŭvaje materyjały haziety — u niekatorych vypadkach navat cełyja artykuły, — dla adkazaŭ karystalnikam biez dazvołu i apłaty, piša Office Life.
Akramia taho, kampanija ličyć, što Perplexity škodzić reputacyi brenda, bo časam vydumlaje infarmacyju i pamyłkova atrybutuje jaje jak padadzienuju hazietaj.
Pradstaŭnica Perplexity Džesi Duajer u adkaz na heta adznačyła, što sudovyja pazovy suprać technakampanij adbyvajucca stahodździami — ad radyjo i telebačańnia da internetu i sacsietak, a ciapier heta tyčycca i štučnaha intelektu. Raniej padobnyja pazovy byli suprać Reddit, BBC, Forbes i Wired za vykarystańnie kantentu biez dazvołu. Ale ŭsie hetyja sproby, padkreśliła Duajer, nie mieli pośpiechu, «inakš my b usie havaryli pra heta praz telehraf».
Dniami, darečy, stała viadoma, što znakamity partuhalski futbalist Kryšcijanu Ranałdu akurat inviestavaŭ u Perplexity AI, jaki vykarystoŭvaje štučny intelekt dla pošuku infarmacyi.
Startap Perplexity zasnavaŭ biełarus Dzianis Jarac z dvuma partniorami ŭ ZŠA, dzie žyvie ŭžo bolš za 10 hadoŭ. U kancy 2024 hoda prajekt pryznali adnym z samych darahich maładych startapaŭ. U lipieni 2025‑ha jaho acanili ŭ $18 miljardaŭ, a ŭžo ŭ vieraśni acenka vyrasła da $20 miljardaŭ.
U lipieni byŭ pradstaŭleny desktopny varyjant braŭziera z ŠI Comet dla Windows i macOS. A niadaŭna Perplexity vypuściŭ viersiju ŠI-braŭziera dla pryład na Android. Ciapier kampanija rychtuje viersiju braŭziera i dla iOS, jakaja pavinna vyjści «ŭ najbližejšyja tydni».
Kryšcijanu Ranałdu inviestavaŭ u zasnavany biełarusam startap
U štučnaha intelektu hnijuć mazhi ad śmiećcievaha kantentu ź internetu. Zrešty, u ludziej taksama
Stvorany biełarusam startap paniziŭ akcyi Duolingo
Zasnavany biełarusam startap źbirajecca kupić Google Chrome za $34,5 młrd
Zasnavany biełarusam startap zapartnioryŭsia z sacsietkaj Trampa
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary
Tak što ŭ sučasnaj historyi chutčej pavieru NYT. I niepryhoža valić na prahres svaje sproby sekanomić i niedastatkovuju pracu nad halucynacyjami ŠI.
Hienieratary karcinak navučanyja na zpiračanych karcinkach, rehularna palacca, vydajučy votermarki.
Ale tut vialikija hrošy, “prahres”, honka ŭzbrajeńniaŭ ihd, i nichto nie choča stvarać sudovy precedent, tym bolš dajučy pieravahu Kitaju