Jamu było 63 hady. Apošnija ideałahičnyja tok-šou ź jaho ŭdziełam vyjšli naprykancy minułaha miesiaca.
Michaił Ciškievič zajmaŭ pasadu zahadčyka kafiedry palitałohii i sacyjałohii HDU imia F. Skaryny.
Kandydat sacyjałahičnych navuk, dacent Ciškievič asvoiŭ novuju dla siabie rolu teleprapahandysta na pačatku 2022 hoda. Z taho času ź jaho ŭdziełam vyjšli sotni pieradač na rehijanalnym telebačańni, dzie sacyjołah ahučvaŭ tezisy ideałohii, sfarmulavanyja minskimi prapahandystami. Ciškievič achvotna kamientavaŭ pytańni, u jakich nie mieŭ prafiesijnaj kampietencyi. Apošniaje videa ź im, jakoje znajšoŭ «Fłahštok», pryśviečana palitycy Litvy — Ciškievič kaža, što rašeńnie pa zakryćci miažy Litva pryniała pad ciskam ES.
Teleradyjokampanija «Homiel», dzie vystupaŭ Ciškievič na svajoj staroncy piša, što Ciškievič byŭ «pastajannym śpikieram dyjałohavych placovak i televizijnych prajektaŭ». «Na praciahu troch hadoŭ źjaŭlaŭsia pastajannym suviadučym prahramy «Naš čas» teleradyjokampanii «Homiel». Pry hetym jon nie tolki vałodaŭ hłybokimi viedami i hramadzianskaj pazicyjaj, ale i zaŭsiody z uvahaj i pavahaj staviŭsia da ludziej. Jaho zaŭčasny i niečakany skon — niezamiennaja strata dla kaleh, studentaŭ i ŭsich, chto jaho viedaŭ», — piša teleradyjokampanija.
Pra pryčyny hetaj zaŭčasnaj i niečakanaj śmierci nie paviedamlajecca.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary