Na miescy dvuchpaviarchovikaŭ 50‑ch hadoŭ u Minsku pabudujuć žyły kvartał
Staličny ŭčastak, abmiežavany vulicami Pirahova i Lubanskaj, rychtujecca da kardynalnych źmien. Zamiest pryvatnaha siektara i małapaviarchovaj zabudovy siaredziny minułaha stahodździa tut źjavicca sučasny žyły kvartał z dobraŭparadkavanaj terytoryjaj, paviedamiła pradpryjemstva «Minskbud».
«Minskbud», jaki vystupaje zakazčykam prajekta, užo pačaŭ pracu. Na hetym etapie viadziecca realizacyja majomasnych pravoŭ hramadzian, jakija žyvuć u damach, što traplajuć pad znos.
Dla vyzvaleńnia terytoryi pad novaje budaŭnictva płanujuć raśsialić 14 žyłych damoŭ pabudovy 1950‑ch hadoŭ, raźmieščanych pa vulicy Pirahova, druhim zavułku Pirahova i vulicy Lubanskaj.
U asnoŭnym heta pryvatnyja damy, a taksama try dvuchpaviarchovyja šmatkvaternyja budynki: dva vaśmikvaternyja i adzin dvanaccacikvaterny.
Novaje žyllo, jakoje ŭźviadzie «Minskbud» na vyzvalenaj placoŭcy, pryznačana dla hramadzian, jakija stajać na ŭliku tych, chto maje patrebu ŭ palapšeńni žyllovych umoŭ.
Prajekt praduhledžvaje budaŭnictva dvuch žyłych damoŭ ahulnaj płoščaj 27,8 tysiačy kvadratnych mietraŭ. Adzin z damoŭ budzie naličvać 13 pavierchaŭ, druhi — 16 pavierchaŭ. Akramia samich budynkaŭ, u składzie novaha kvartała źjaviacca zony adpačynku, uparadkavanyja dvary, dziciačyja hulniavyja placoŭki i parkoŭki.
U novym Nacyjanalnym histaryčnym muziei pačalisia azdobnyja pracy, apošni viežavy kran źniali
U Minsku budujuć handlovy centr z trapičnym parkam
U Minsku vyrašajuć pytańnie z pustkami ŭ Kamiennaj Horcy i Dambroŭcy — zamiest ich mohuć źjavicca parkoŭki
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary