На месцы двухпавярховікаў 50‑х гадоў у Мінску пабудуюць жылы квартал
Сталічны ўчастак, абмежаваны вуліцамі Пірагова і Любанскай, рыхтуецца да кардынальных змен. Замест прыватнага сектара і малапавярховай забудовы сярэдзіны мінулага стагоддзя тут з'явіцца сучасны жылы квартал з добраўпарадкаванай тэрыторыяй, паведаміла прадпрыемства «Мінскбуд».
«Мінскбуд», які выступае заказчыкам праекта, ужо пачаў працу. На гэтым этапе вядзецца рэалізацыя маёмасных правоў грамадзян, якія жывуць у дамах, што трапляюць пад знос.
Для вызвалення тэрыторыі пад новае будаўніцтва плануюць рассяліць 14 жылых дамоў пабудовы 1950‑х гадоў, размешчаных па вуліцы Пірагова, другім завулку Пірагова і вуліцы Любанскай.
У асноўным гэта прыватныя дамы, а таксама тры двухпавярховыя шматкватэрныя будынкі: два васьмікватэрныя і адзін дванаццацікватэрны.
Новае жыллё, якое ўзвядзе «Мінскбуд» на вызваленай пляцоўцы, прызначана для грамадзян, якія стаяць на ўліку тых, хто мае патрэбу ў паляпшэнні жыллёвых умоў.
Праект прадугледжвае будаўніцтва двух жылых дамоў агульнай плошчай 27,8 тысячы квадратных метраў. Адзін з дамоў будзе налічваць 13 паверхаў, другі — 16 паверхаў. Акрамя саміх будынкаў, у складзе новага квартала з'явяцца зоны адпачынку, упарадкаваныя двары, дзіцячыя гульнявыя пляцоўкі і паркоўкі.
У новым Нацыянальным гістарычным музеі пачаліся аздобныя працы, апошні вежавы кран знялі
У Мінску будуюць гандлёвы цэнтр з трапічным паркам
У Мінску вырашаюць пытанне з пусткамі ў Каменнай Горцы і Дамброўцы — замест іх могуць з'явіцца паркоўкі
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары