Minčanka aformiła dva kredyty i ŭziała ŭ rasterminoŭku čatyry ajfony, kab pieravieści machlaram 40 tysiač rubloŭ
U Kastryčnickaje RUUS źviarnułasia 48‑hadovaja žančyna i paviedamiła, što ŭ miesiendžary atrymała paviedamleńnie nibyta ad dyrektara svajoj arhanizacyi, jaki paprasiŭ akazać dapamohu pradstaŭniku orhanaŭ z pryčyny invientaryzacyi.
Dalej z žančynaj źviazaŭsia iłžemilicyjant. Jon papiaredziŭ, što afierysty zavałodali jaje piersanalnymi danymi i aformili na jaje imia kredyt. Kab paźbiehnuć kryminalnaj adkaznaści i vobšuku ŭ kvatery, nieabchodna ŭziać «lustrany kredyt» na tuju ž sumu i zadekłaravać atrymanyja hrašovyja srodki, pieravioŭšy ich na śpiecyjalny rachunak.
Dla pierakanaŭčaści žančynie nazyvali realnyja danyja supracoŭnikaŭ pravaachoŭnych orhanaŭ, jakija znachodziacca ŭ adkrytym dostupie. Źvieryŭšy infarmacyju na aficyjnych sajtach, minčanka pavieryła ludziam, jakija telefanavali, i aformiła dva kredyty, adnak patrebnuju sumu tak i nie atrymała.
Tady machlary pierakanali žančynu aformić rasterminoŭku na čatyry darahija mabilnyja telefony i ŭ najkaraciejšy termin pradać ich za pałovu rynačnaj vartaści.
Atrymanyja 40 tysiač žančyna pieraviała na rachunki, paznačanyja machlarami.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju19
Kamientary