Łukašenka zadavoleny vynikami ŭniasieńnia na pali salihorskich kalijnych adkidaŭ
Alaksandr Łukašenka viasnoj daručyŭ znajści sposab vykarystańnia adchodaŭ kalijnaj vytvorčaści, jakija nazapasilisia vakoł Salihorska. Adzin z mahčymych varyjantaŭ — prymianiać ich dla pavyšeńnia ŭradlivaści hleby, najpierš u paŭdniovych rehijonach Biełarusi, dzie šmat piasčanych ziamiel.
Mahčymaść takoha vykarystańnia vyvučajuć u miežach ekśpierymientu na doślednym učastku płoščaj 20 hiektaraŭ u Minskim rajonie. Pierad pasievam kukuruzy hlebu apracavali roznymi sposabami. Na adnych učastkach vykarystoŭvali zvyčajnyja ŭhnajeńni, na inšych — ekśpierymientalnyja sumiesi z torfam i hlinista-solevymi šłamami. Hetyja šłamy ŭtvarajucca pry zdabyčy kalijnych uhnajeńniaŭ i ŭtrymlivajuć častku karysnych rečyvaŭ.
Pavodle papiarednich vynikaŭ, najbolš prykmietny rost zialonaj masy naziraŭsia na ŭčastkach, dzie vykarystoŭvali zvyčajny kampost i kampost sa šłamami. Stanoŭčy efiekt adznačyli i pavodle siaredniaj kolkaści katachoŭ na adnu raślinu.
Łukašenka zajaviŭ, što na ŭčastkach, dzie ŭnosili adchody kalijnaj vytvorčaści razam z arhaničnymi rečyvami i navat torfam, vyniki akazalisia lepšymi, čym tam, dzie takich sumiesiaŭ nie vykarystoŭvali.
Kančatkovyja vysnovy zrobiać paśla ŭborki kukuruzy na ziernie i padliku ŭradžaju. Ekśpierymient płanujuć praciahnuć i na inšych kulturach, u tym liku zbožžavych, kab paraŭnać vyniki za niekalki siezonaŭ.
«Mnie patrebny adkaz na pytańnie, što budziem rabić z hetymi adchodami vakoł Salihorska. My pavinny pravieści ekśpierymient, kab dakładna adkazać, što rabić z hetymi šłamami», — padkreśliŭ Łukašenka.
«Napeŭna, horš nie budzie». Łukašenka vynajšaŭ sposab, jak źbirać vialikija ŭradžai na piasku
«Za heta ŭ turmu treba sadzić». Łukašenku aburyła, jak ciarebiać lon na rodnaj Škłoŭščynie
«Niekatoryja tak — chi-chi, cha-cha — uspryniali». Łukašenka raskazaŭ pra niečakanyja vyniki nakiravańnia niadbajnych sielhasrabotnikaŭ u armiju
Chrenin raskazaŭ, jak budzie vykonvacca zahad Łukašenki ab adpraŭcy ahraryjaŭ-niedarek u vojska
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami8
Kamientary
Nado sovieršienstvovať prociess na miestie ,dla izvlečienija rastvorimych i ciennych komponientov.
Ostalnoje ispolzovať kak zvpołnitiel v stroitielstvie.