U Biełarusi na najbližejšyja piać hadoŭ zaćvierdžanaja dziaržaŭnaja prahrama «Darohi Biełarusi» pa ramoncie i budaŭnictvie aŭtamabilnych daroh. Kolki mahistralaŭ adramantujuć i dzie pabudujuć novyja aŭtadarohi, raskazali ŭ efiry «Pieršaha infarmacyjnaha».
U Biełarusi naličvajecca 85 tysiač kiłamietraŭ daroh i 5 tysiač mastoŭ, mnohija ź jakich užo niekalki dziesiacihodździaŭ vykarystoŭvajucca i patrabujuć abnaŭleńnia. Da 2030 hoda płanujecca adramantavać nie mienš za 25 tysiač kiłamietraŭ daroh, što ŭ paŭtara razy bolš, čym za papiarednija piać hadoŭ.
Siarod asnoŭnych abjektaŭ — trasa R-53 (ad Minska praz Smalavičy i Žodzina da Barysava), daroha Minsk —— Viciebsk (ad Pleščanic da Lepiela i Saročyna), a taksama ŭčastki ad Rečycy da Kalinkavič i ad Mahilova da Čavusaŭ.
Na najbolš zahružanych učastkach, asabliva vyjezdach ź Minska, płanujecca ŭkładka cemientabietonnaha pakryćcia. Heta tyčycca daroh R-28 (Minsk — Maładziečna), M-6 (Minsk — Hrodna), R-1 (Minsk — Dziaržynsk) i R-23 (Minsk — Mikaševičy).
Asablivaja ŭvaha budzie nadadziena daroham u ahraharadkach, dzie hravijnaje pakryćcio zamieniać na asfalt. Taksama za piać hadoŭ płanujecca adramantavać nie mienš za 500 mastoŭ — prykładna pa 100 na hod.
Na realizacyju prahramy budzie nakiravana amal 19 miljardaŭ rubloŭ, ź jakich kala 17 miljardaŭ — srodki respublikanskaha biudžetu i kala 2 miljardaŭ — miascovych biudžetaŭ.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary