Praź niespryjalnyja ŭmovy nadvorja prypynieny pryjom i adpraŭka samalotaŭ z aeraporta Homiel, paviedamiła avijakampanija «Biełavija».
Rejs «Biełavija» B2 988 Maskva — Homiel pryziamliŭsia ŭ Minsku. Jaho pasažyram arhanizavali tranśfier u Homiel.
Akramia taho, 9 studzienia 2026 hoda byli admienieny nastupnyja rejsy:
- B2 989 Homiel — Sankt-Pieciarburh;
- B2 990 Sankt-Pieciarburh — Homiel;
- B2 991 Homiel — Maskva.
Pasažyram prapanavany vylet ź Minska, a taksama arhanizavany tranśfier z Homiela ŭ Minsk i nazad.
Uvohule ž Belavia praciahvaje vykonvać rejsy z Nacyjanalnaha aeraporta Minsk u štatnym režymie, niahledziačy na niepahadź.
Dla biaśpieki palotaŭ u minskim aeraporcie ŭviedzienyja dadatkovyja reziervy techniki, uzmocnienyja bryhady rabočych i kiroŭcaŭ.
Dla atrymańnia aktualnaj infarmacyi rekamiendujecca sačyć za raździełam «Tabło prylotaŭ—adlotaŭ» na sajcie belavia.by.
Kamientary