«Pryhažunčyk 2» Cila Švajhiera – vykananaje zadańnie na siamiejnuju temu ź niaścipłymi žartami i mužčynskaju stomlenaściu.
Pryhažunčyk-2 / Zweiohrkuken
Niamieččyna, 2009, kalarovy, 124 chv.
Režysior: Cil Švajhier
Roli vykonvajuć: Cil Švajhier, Nora Čyrnier, Kien Dukien, Macias Švajhchiofier, Edyta Małoŭčyč, Emma Švajhier, Uładzimir Kličko
Žanr: Kamiedyjnaja mieładrama
Adznaka: 4 (z 10)
Łuda i Hanna ŭžo dva hady, jak žyvuć razam. Žarści ścišylisia, pobyt zajadaje, a tut jašče Łuda sustrakaje svaju byłuju pasiju. Hanna nie adstaje ad jaho — i zaprašaje ŭ hości staroha siabra. Kachańnie hierojaŭ pad pahrozaju.
Novyja pryhody vychavalnicy dziciačaha sada i skoranaha łaviełasa — nabor skietčaŭ na siamiejnuju temu. Brudnaja bializna na padłozie, niavykinutyja butelki, bałbatlivyja natacyi — i mužčynskaje stareńnie pad dohladam pilnaje žonki. Chatnija scenki ŭskładniajucca redkimi pryhodami ŭ načnych kłubach i niaścipła-žartoŭnymi kadrami, što vartaści filmu nie dadajuć.
Karcina – vykananaje zadańnie na temu «žančyna i mužčyna», što daspadoby dziavočaj aŭdytoryi. Ale «Pryhažunčyk 2» — užo druhoj śviežaści.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty6
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary