«Ihar Bryło siadzieŭ u kamiery biez tualeta. Padčas śledstva jon «ukinuŭ» pa chabarach bolš za 50 čałaviek»
Błohier i były palitźniavoleny Ihar Łosik raskazaŭ u svaim telehram-kanale, što były ministr sielskaj haspadarki i inśpiektar Viciebskaj vobłaści Ihar Bryło mocna schudnieŭ za čas znachodžańnia ŭ «amierykancy» (SIZA KDB).
«Pryčym jamu byŭ stvorany asablivy režym: u jaho bolš za hod nie było navat naraŭ, jon spaŭ na padłozie na doškach, jakija jamu vydali. U kamiery biez tualeta. I heta niahledziačy na toje, što padčas śledstva jamu dali telefon i jon «ukinuŭ» pa chabarach bolš za 50 čałaviek. Ale nazvaŭ takija proźviščy vysokich čynoŭnikaŭ, jakija, vidać, nielha było nazyvać, za heta i paciarpieŭ», — napisaŭ Łosik.
Nahadajem, Ihar Bryło byŭ zatrymany ŭ listapadzie 2023 hoda pa «małočnaj spravie». Pa joj sudziać 18 čałaviek (u tym liku kiraŭnika «Babulinaj krynki» Hienadzia Skitova). Ich abvinavačvajuć pa 12 kryminalnych artykułach. «Naša Niva» raniej pisała, što Bryło davaŭ pakazańni na siabie i inšych.
Kamientary