U Homieli para zarehistravała svoj šlub u kaściumach Dzieda Maroza i Śniahurki
U Homieli napiaredadni śviatkavańnia Novaha hoda adbyłasia niezvyčajnaja rehistracyja šlubu: Stanisłaŭ i Maryna pryjšli ŭ ZAHS u kaściumach Dzieda Maroza i Śniahurki, piša BiełTA.
Maładyja vyrašyli zrabić 31 śniežnia asablivaj dataj, kab u 2026 hod uvajści sapraŭdnaj siamjoj. Cyrymonija prajšła ŭ ZAHSie Navabielickaha rajona Homiela, sama ž historyja adnosin chłopca i dziaŭčyny była nie mienš kazačnaj.
Stanisłaŭ i Maryna paznajomilisia ŭ internecie: chłopiec z Homiela łajknuŭ fota dziaŭčyny ź Pietrykava na sajcie znajomstvaŭ, paśla čaho ŭ ich pačalisia pierapiska i rehularnaja kamunikacyja. Niahledziačy na amal dźvieście kiłamietraŭ pamiž haradami, chłopiec i dziaŭčyna adčuli, što blizkija adno adnamu.
Pieršaja sustreča adbyłasia ŭ Homieli hod tamu, taksama pierad Novym hodam: Stanisłaŭ sustreŭ Marynu na vakzale, jany prahulalisia pa Navabielickim rajonie. Chłopiec padaryŭ dziaŭčynie sałodkija pačastunki ad Dzieda Maroza i navat rasstaviŭ pałatku ŭ svajoj kvatery — žartoŭna i ŭračysta adnačasova.
Tady 31 śniežnia Stanisłaŭ prapanavaŭ Marynie stać jahonaj dziaŭčynaj, a praz paŭhoda jana pierajechała ŭ Homiel. Ciapier ža jany aformili adnosiny aficyjna.
Dla śviatočnaj rehistracyi para abrała aryhinalnyja kaściumy: u Stanisłava — čyrvonaje futra da padłohi, u Maryny — dalikatnaja błakitnaja šubka sa śniažynkami. Navat nadvorje adhuknułasia na ich pačućci — śnieh pryhoža pakryŭ horad.
Prapanovu ruki i serca Stanisłaŭ zrabiŭ na mastku kala voziera ŭ Navabielickim rajonie: jon staŭ na kalena i padaryŭ Marynie unikalny piarścionak sa skury, jaki zrabiŭ sam. Padčas rehistracyi maładyja abmianialisia takimi ž piarścionkami.
Žyćcio razam ich nie pałochaje: jany dzielać usie chatnija abaviazki i lubiać hatavać razam. Stanisłaŭ robić burhiery i sušy, Maryna — stravy z bulby i hryboŭ, zaŭsiody ź luboŭju.
Pieršyja paru dzion novaha hoda para praviadzie ź blizkimi, a paźniej adznačyć padzieju ź siabrami. U ich užo, darečy, jość ahulny kot Hienrych, a Maryna maryć pieravieźci ź Pietrykava jašče dvuch svaich katoŭ. Jany płanujuć vialikuju siamju, bo Maryna lubić dziaciej i zaŭsiody maryła być šmatdzietnaj mamaj.
Pamiatajecie pravasłaŭnuju paru studentki i vykładčyka, dzie jon starejšy na 31 hod? Ciapier jany hramadzianie Izraila
Kryścina Cimanoŭskaja znoŭ niaviesta — ź piarścionkam ad Tiffany
«Skazaŭ, što ja sapsavała viečar». Historyi biełarusak, jakija zrabili prapanovu chłopcam
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
Składzieny rejtynh manahamnaści mlekakormiačych. Na jakim miescy čałaviek?
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary