U Minsk pačynaje lotać novaja rasijskaja avijakampanija — NordStar, jakaja raniej nie vykonvała rehularnyja rejsy ŭ Biełaruś. Kampanija bazujecca ŭ Maskvie i Krasnajarsku, piša Blizko.by.
Pakul što zajaŭleny tolki adzin rejs: u niadzielu, 25 studzienia, ź Minska ŭ Maskvu (aeraport Damadziedava), a ŭ paniadziełak budzie zvarotny rejs Maskva — Minsk.
Košt kvitka ŭ adzin bok u kłasie «Ekanom Lohka» ź Minska ŭ Maskvu składaje 2 840 rasijskich rubloŭ (prykładna 106 biełaruskich rubloŭ abo 31 jeŭra). Kvitok z Maskvy ŭ Minsk jašče tańniejšy — 2 390 rasijskich rubloŭ (89 biełaruskich rubloŭ abo 26 jeŭra). Pry hetym u košt uvachodzić 1 miesca ručnoj pakłažy (da 10 kh) i 1 bahažnaje miesca (23 kh).
Dla paraŭnańnia, u «Biełavija» na tuju ž datu kvitok u Maskvu kaštuje minimum 157 rubloŭ (Šaramiecieva) abo 191 rubiel (Damadziedava), a na vysokachutkasny ciahnik «Łastaŭka» — 135 rubloŭ.
Fłot NordStar składajecca z 8 samalotaŭ Boeing 737‑800 i 1 Boeing 737‑300. Kampanija ŭ asnoŭnym vykonvaje rejsy pa Rasii. Taksama jana maje rejsy ŭ jehipiecki Šarm‑el‑Šejch, a raniej lotała ŭ Azierbajdžan, Armieniju, Kitaj i Turcyju.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary