Zahinuŭ 39‑hadovy zaciaty prychilnik Łukašenki — pracavaŭ kładaŭščykom, ale padpisvaŭsia jak režysior
Andrej Kryšałovič žyŭ u Hrodna, ale pryjazdžaŭ u Minsk, kab pastajać z čyrvona-zialonym ściaham kala handlovaha centra «Śpiektr», dzie ładzili pikiety ŭ padtrymku Łukašenki.
U lubovi da palityka Andrej pryznavaŭsia ažno ŭ šapcy svajho profilu ŭ instahramie: «Alaksandr Ryhoravič — moj prezident».
A ŭ tyktoku jon publikavaŭ roliki ź pikietaŭ u jaho padtrymku la handlovaha centra «Śpiektr» (znachodzicca la stancyi mietro «Uručča») z cheštaham #lubimujunieotdadim.
Andrej pisaŭ u sacyjalnych sietkach, što jon režysior i fatohraf, ale, pavodle infarmacyi Belpol, nasamreč usio žyćcio pracavaŭ kładaŭščykom u «Konte».
U pačatku studzienia 39‑hadovy Andrej zahinuŭ — hetu infarmacyju «Našaj Nivie» paćvierdzili niekalki jaho znajomych. Apošni dopis u instahramie mužčyna apublikavaŭ na pravasłaŭnaje Rastvo — heta było fota ŭ numary dvuchzorkavaha hatela East Time. «Moj pakoj na kaladnyja vychodnyja ŭ lubimym utulnym hateli», — napisaŭ mužčyna, jaki vyrašyŭ tyja vychodnyja pravieści ŭ Minsku. Jon hulaŭ pa handlovych centrach i fatahrafavaŭsia ŭ roznych śviatočnych fotazonach.
Što ź im adbyłosia, pakul dakładna nieviadoma. Znajomyja kažuć, što Kryšałovič patanuŭ u akvaparku, ale paćvierdžańnia hetaj infarmacyi niama.
Pamierła 39‑hadovaja ilustratarka, jakaja ŭ 2020 hodzie stvarała stykiery ŭ padtrymku represij i AMAPu
Alena Łanskaja pryznałasia, što jejny baćka pamior ad karanavirusu ŭ razhar pandemii
Pamior 26‑hadovy režysior-pastanoŭščyk, jaki dapamahaŭ arhanizoŭvać bali Łukašenki
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii8
Kamientary