Zatrymany u Hiermanii źbieh z-pad varty z dapamohaj kluča ad kajdankoŭ za 10 jeŭra
Jaho možna kupić u internecie.
U Bavaryi padazravany ŭciok padčas zatrymańnia pad nosam u palicyi. Pa papiarednich danych, dla ŭciokaŭ jon vykarystaŭ klučy ad kajdankaŭ, kuplenyja ŭ internecie, piša telehram-kanał «Što tam u niemcaŭ?».
Mužčyna ŭsio roŭna byŭ znojdzieny, ale incydent vyjaviŭ niepryjemny fakt: isnujuć univiersalnyja klučy, jakija padychodziać da bolšaści madelaŭ palicejskich kajdankaŭ.
Rasśledavańnie Bavarskaha hramadskaha radyjo i telebačańnia pakazała: ich možna lehalna nabyć u internecie, i kaštujuć jany kala 10 jeŭra! Ale ŭ palicyi spadziajucca, što bieskantrolny prodaž klučoŭ chutka zabaroniać — vytvorca ŭžo naniaŭ jurystaŭ dla hetaha.
Palicyja padkreślivaje, što takija vypadki ŭciokaŭ vielmi redkija. Z madellu kajdankoŭ, jakija vykarystoŭvajuć bavarskija palicejskija, farmalna ŭsio ŭ paradku. Jana znachodzicca na rynku z 2009 hoda i atrymała patrebnuju siertyfikacyju.
Ale sam fakt ucioku vyjaviŭ prablemu ŭ pracedurach biaśpieki. Ciapier idzie ŭnutranaje rasśledavańnie: praviarajuć, jak padazravany pranios kluč i ci byli dapuščanyja pamyłki padčas ahladu.
Bavarski prafsajuz palicyi ŭžo vykazaŭ surjoznuju zakłapočanaść i zaklikaŭ raspracavać kajdanki ź indyvidualnymi klučami, pryznačanymi vyklučna dla palicyi. Adnak dla hetaha spatrebicca kaardynacyja pamiž ziamielnymi i fiederalnymi viedamstvami, a značyć, chutkich rašeńniaŭ čakać nie varta.
Darečy, u Hiermanii niama zakonu, jaki zabaraniaŭ by ŭcioki. Viarchoŭny ziamielny sud Miunchiena ŭpeŭnieny: «Pavodziny, što ŭźnikajuć z naturalnaha imknieńnia čałavieka da svabody, nie pavinny padlahać pakarańniu». A prava imknucca da svabody fiksavali ŭ zakonach jašče ŭ XVI stahodździ.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary