Biełarus kupiŭ pucioŭku ŭ Tajłand usiaho za $1400. Jak uražańni?
Mahiloviec Jaŭhien Astaševič źlataŭ u studzieni ŭ Tajłand i padzialiŭsia realnymi ličbami. Žurnalistka vydańnia Myfin.by daviedałasia, jak aščadzić na ježy i pieramiaščeńni pa vostravie i kolki kaštuje ŭbačyć toj samy plaž ź filma ź Dzi Kaprya.
Abied ci viačera na traich — 70 dalaraŭ
U 11‑dzionny adpačynak na Pchukiet mahiloviec palacieŭ nie adzin, a z bratam i jaho dziaŭčynaj. Vylatali z Šaramiećcieva. Da Maskvy dabiralisia z Oršy na «Łastaŭcy», zapłaciŭšy pa 100 biełaruskich rubloŭ za kvitok. Ad vakzała da aeraporta dajechali na taksi za 4000 rasijskich rubloŭ (heta 150 biełaruskich).
Lacieli avijakampanijaj «Ikar», palot zaniaŭ 9,5 hadzin.
«Kali my prylacieli, nam pastavili vizy, heta kaštavała pa 65 dalaraŭ z čałavieka. Turapieratar zahadzia zapoŭniŭ usie dakumienty, nam zastałosia tolki padać ich. Pasialilisia ŭ hateli 3* Hotel de Korone. Ja žyŭ u dvuchmiesnym numary adzin, a brat ź dziaŭčynaj — u susiednim.
Zasialilisia i adrazu adpravilisia vyvučać miascovaść. Atel raźmieščany ŭdała, da plaža Karon usiaho 5 chvilin pavolnym krokam. Plažnyja ručniki vydajuć u hateli, a voś šezłonhi na samim bierazie płatnyja — 100 bat. Pry kursie 10 da 1 heta prykładna 10 biełaruskich rubloŭ. Karon my vybrali nievypadkova, jon ličycca adnym z samych čystych i najlepšych plažaŭ Pchukieta».
Pakolki ŭ tur uvachodzili tolki śniadanki, mahiloŭcy abiedali i viačerali ŭ kaviarni. U ježy addavali pieravahu morapraduktam: krevietkam, rybie i, viadoma, supu Tom Jam.
Siaredni ček za abied ci viačeru na traich vychodziŭ kala 2000 bat (200 biełaruskich rubloŭ).
Studzień i luty ličycca idealnym časam dla Pchukieta.
Heta pik «suchoha» siezonu. Na niebie ni chmurynki, tempieratura pavietra stabilna trymajecca ŭ rajonie +32°C, a vada ŭ akijanie prahrajecca da +30°C. Sapraŭdny raj dla tych, chto paśpieŭ stamicca ad našaj zimy.
«Vybirajučy ekskursii, spynilisia na topavych napramkach, jakija, na moj pohlad, abaviazkovyja dla naviedvańnia — zapaviednik słanoŭ i vostraŭ małpaŭ. Zapłacili 2000 bat (200 rubloŭ) z čałavieka. Słany — heta poŭnaje zachapleńnie! U zapaviedniku ź imi možna nie tolki sfatahrafavacca, ale i pakarmić ich, pakupacca razam i navat prakacicca viercham. A voś z małpami raju trymać vucha vostra. Jany istoty ahresiŭnyja: kali im štości nie spadabajecca, mohuć i ŭkusić. U mianie prosta z ruk vyrvali pakiet z sadavinoj, jakuju my im i vieźli.
Siaredni ček na taksi — 10—15 dalaraŭ
Urazili mahiloŭcaŭ i astravy Maja Bej i Pchi-Pchi. Ekskursija kaštavała 2700 bat (270 rubloŭ) na čałavieka.
«Pryhažość tam nievierahodnaja. Mienavita na hetych astravach u svoj čas zdymali kultavy film «Plaž» ź Leanarda Dzi Kaprya. Łakacyi vyhladajuć dakładna hetak ža sama, jak na karcinkach u internecie. U košt abiedźviuch ekskursij užo byli ŭklučanyja tranśfier z hatela, prahułka na jachcie, paŭnavartasnaje charčavańnie i prachaładžalnyja napoi».
Akramia ekskursij, było bolš čym dastatkova i inšych zabaŭ. U rajonie Karona vielizarnaja kolkaść restaranaŭ i dyskatek, tak što ŭsio načnoje žyćcio akazałasia pad bokam.
«Pchukiet zaraz — heta centr tusoŭki, siudy pastajanna prylatajuć z kancertami rasijskija zorki. My trapili na vystup Cimy Biełaruskich. Bilet kaštavaŭ 40 dalaraŭ na čałavieka, kali nie ličyć transpart da placoŭki asobna. Kancert prajšoŭ na ŭzroŭni, zastalisia vielmi zadavolenyja».
Pieramiaščacca pa Pchukiecie, kaža Jaŭhien, toj jašče kvest z-za vielizarnych zatoraŭ. Adlehłaść u 15 km možna lohka jechać dźvie hadziny. Siaredni ček na taksi ŭ biełarusaŭ atrymlivaŭsia ŭ rajonie 10—15 dalaraŭ. Zakazvali stroha praz prahramu, tamu što vuličnyja taksisty łomiać ceńnik u razy vyšej.
«Maleńki łajfchak: kali vy adzin ci ŭdvaich, lepš brać taksi-bajk. Heta i tańniej, i ŭ razy chutčej, bo na bajku vy lohka abjedziecie zator».
Rynak suprać restarana i 7‑Eleven zamiest kafe
Dvojčy turysty vybiralisia na rybny rynak Banzaan u rajonie Patonha. Heta miesca nijak nielha abyści amataram morapraduktaŭ. Ceny tam u 2—3 razy nižejšyja, čym u restaranach, ale abaviazkova treba tarhavacca.
«Vybiraješ na lodzie ŭsio, što padabajecca, płaciš za pryhatavańnie, i pry tabie heta pieratvarajuć u dalikates. Krevietki na hryli, barakuda i marski akuń kaštavali pa 350 bat za 1 kh, hrabieńčyki — 450 bat, łobstar vahoj kala kiłahrama — 450 bat za štuku. Usio zusim śviažaje i nievierahodna smačnaje».
Dla kupli napojaŭ i chutkich pierakusaŭ u vyhladzie sendvičaŭ, sałataŭ i rołaŭ idealna padychodzić sietka 7-Eleven. Tam zaŭsiody biudžetna, smačna i pradkazalna pa jakaści. Na suvieniry dadomu nabrali tajskuju kaśmietyku, miascovyja prysmaki i, viadoma, ekzatyčnuju sadavinu.
Transpart da Maskvy tudy i nazad i ŭsie vydatki na miescy — ekskursii, taksi, ježa, ałkahol, kancert i suvieniry — kaštavali Jaŭhienu prykładna 1000 dalaraŭ. Uličvajučy, što sam tur kaštavaŭ 1400 jeŭra z čałavieka, biudžetnym adpačynak nazvać dakładna nielha.
Takim čynam: usie vydatki i finalnyja ŭražańni
Pucioŭka ad turahienctva: $1400.
Vydatki na miescy ($1250), ź ich:
- charčavańnie: $800 (u dzień išło $70—80);
- ekskursii: 4700 bat (kala $150) i kancert: $40;
- pajezdki na taksi: prykładna $100;
- suvieniry: kala $150.
Čynoŭniki ad turyzmu marać pra stvareńnie «Załatoha kalca Sajuznaj dziaržavy»
Ad 7 jeŭra za hadzinu na budoŭli ŭ Hamburhu da 14 jeŭra na Alimpijadzie ŭ Paryžy: dośvied biełarusa pra zarobki ŭ Jeŭropie
Papularny italjanski vostraŭ abmiažoŭvaje pamier turystyčnych hrup
Z Akreścina — u Forbes. Biełaruska pradavała ŭ Čechii zamki, a ciapier vučyć, jak stać arystakratam
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie26
Kamientary