U MZS raskazali pra vizit u Minsk aficyjnaha pradstaŭnika Francyi
Pres-sakratar Ministerstva zamiežnych spraŭ Biełarusi Rusłan Varankoŭ prakamientavaŭ infarmacyju, jakaja raniej źjaviłasia ŭ francuzskim vydańni Le Monde, pra vizit u Minsk vysokapastaŭlenaha pradstaŭnika MZS Francyi. Varankoŭ adkazaŭ na zapyt rasijskaha infarmacyjnaha ahienctva «RIA-Novosti».
Varankoŭ adznačyŭ, što takija pajezdki nie źjaŭlajucca niečym niezvyčajnym. Biełaruś, maŭlaŭ, padtrymlivaje rehularnyja pracoŭnyja kantakty nie tolki z Francyjaj, ale i ź inšymi zachodnimi krainami. Pry hetym pieramovy jak u dvuchbakovym farmacie, tak i ŭ miežach mižnarodnych mierapryjemstvaŭ časta nosiać kanfidencyjny charaktar.
Paśla taho jak infarmacyja pra hety vizit stała publičnaj, u MZS paćvierdzili, što 5—6 lutaha Minsk naviedaŭ dyrektar departamienta kantynientalnaj Jeŭropy hałoŭnaha departamienta pa palityčnych pytańniach i biaśpiecy MZS Francyi Brys Rakfioj. Vizit adbyŭsia pa zaprašeńni biełaruskaha boku.
Francuzski pradstaŭnik sustreŭsia z namieśnikam ministra zamiežnych spraŭ Biełarusi Iharam Sakretam, a taksama pravioŭ «kansultacyi z pradstaŭnikami biełaruskaha ekśpiertna-analityčnaha asiarodździa».
Raniej taksama paviedamlałasia, što dypłamatyčny daradca prezidenta Francyi Emanuela Makrona Emanuel Bon 3 lutaha pryjazdžaŭ u Maskvu dla praviadzieńnia pieramoŭ z rasijskimi aficyjnymi asobami, u pryvatnaści z pamočnikam prezidenta Juryjem Ušakovym. Hety vizit taksama nie afišavaŭsia.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary