Tavarnyja znaki servisu kvitki.by pierajšli «Biełaruskim łatarejam»
Vosieńniu 2025 hoda biełaruski servis pa prodažy biletaŭ kvitki.by pajšoŭ u likvidacyju. Paviedamlałasia, što rašeńnie pra heta pryniaŭ jaho adziny ŭładalnik. Jak vyśvietliŭ Office Life, u siaredzinie studzienia 2026 hoda tavarnyja znaki servisu pierajšli dziaržaŭnamu pradpryjemstvu «Biełaruskija łatarei».
Infarmacyja pra heta źjaviłasia ŭ bazie danych tavarnych znakaŭ Nacyjanalnaha centra intelektualnaj ułasnaści, a taksama ŭ Aficyjnym biuleteni centra.
Cervis pa prodažy kvitkoŭ kvitki.by pracavaŭ u Biełarusi z kanca nulavych. Jaho raźvivała kampanija «Kvitki Bieł». Ź siaredziny 2010‑ch jana naležała adnamu z najbujniejšych apierataraŭ pa prodažy kvitkoŭ u krainach Bałtyi — «Bałtyk Tykiet Chołdynhs». Z 2024‑ha biełaruskaj kampanijaj vałodała estonskaje Tavarystva «BTCH Inviest». Jano ž u vieraśni 2025 hoda pryniało rašeńnie ab likvidacyi kampanii.
U kancy žniŭnia minułaha hoda servis pa prodažy kvitkoŭ kvitki.by nie pracavaŭ amal sutki i vydaliŭ niekalki svaich staronak u sacyjalnych sietkach.
Što datyčycca tavarnych znakaŭ «Kvitki Bieł», to ŭ NCIU ŭ kampanii było zarehistravana try tavarnyja znaki: stary łahatyp z najmieńniem servisu pa prodažy biletaŭ i novy, na biełaruskaj movie, a taksama łahatyp servisu pa zamovie biletaŭ kassir.by. pa dadzienych aficyjnaha biuletenia Nacyjanalnaha centra intelektualnaj ułasnaści Biełarusi, 14 studzienia 2026 hoda pamiž kampanijaj «kvitki Bieł» i RUP «Biełaruskija łatarei» byŭ zaklučany dahavor na sastupku hetych tavarnych znakaŭ.
Usie tavarnyja znaki pieršapačatkova byli zarehistravanyja kampanijaj «Kvitki Bieł» u troch kłasach pasłuh. Ciapier «Biełaruskija łatarei» zmohuć vykarystoŭvać ich, naprykład, dla dastaŭki biletaŭ, rekłamy, braniravańnia biletaŭ na vidoviščnyja, adukacyjnyja i kulturnyja mierapryjemstvy i h. d.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik32
Kamientary
Nacionalizacija po biełorusski