Zialenski: Nijakaha pryznačeńnia prezidenckich vybaraŭ 24 lutaha nie budzie
Prezident Ukrainy čarhovy raz prakamientavaŭ čutki pra toje, što jon pryznačyć prezidenckija vybary i refierendum 24 lutaha ŭ čaćviertuju hadavinu pačatku poŭnamaštabnaj vajny.
«24 lutaha — heta asablivaja data. I navat kali b była meta abo adpaviednyja kroki pa nabližeńni tych ci inšych vybaraŭ, ja liču, što heta było b zusim durnoj idejaj — uziać takuju datu dla taho, kab havaryć pra palityku. Heta vielmi surjoznaja data — čatyry hady vajny. Heta vialikaja kolkaść ludziej, jakija abaranili našu dziaržavu, jakija addali svajo žyćcio. I mienavita z 24 lutaha kožnaha dnia našy ludzi abaraniajuć svaju dziaržavu. Ja b nikoli nie zmoh hetaha zrabić.
Tamu 24 lutaha nie moža być abvieščana nijakich vybaraŭ, jakich-niebudź vybaraŭ. Pytańnie nie ŭ asobach. Nijakich vybaraŭ nie moža być abvieščana 24 lutaha», — napisaŭ u svaim telehramie Uładzimir Zialenski».
Jon taksama padkreśliŭ, što hałoŭnaje ŭ hetym — biaśpieka, a potym — palityka.
«My možam pierajści da vybaraŭ tady, kali jość usie adpaviednyja harantyi biaśpieki. Pytańni vybaraŭ padymajuć tyja ci inšyja partniory. Ukraina sama hetaje pytańnie nikoli nie ŭzdymała. Ale, biezumoŭna, my hatovyja da vybaraŭ. Heta vielmi prosta zrabić — zrabicie spynieńnie ahniu, i buduć vybary. To-bok, heta pytańnie biaśpieki», — zaznačyŭ Zialenski.
Nahadajem, što FT napisała pra toje, što Ukraina pačała płanavać vybary i praviadzieńnie refierendumu, i jany mohuć prajści da 15 maja. Administracyja Trampa patrabuje pravieści abodva hałasavańni da hetaj daty inakš Ukraina moža stracić harantyi biaśpieki ad ZŠA.
Pavodle słoŭ krynic FT, Zialenski płanuje abviaścić praviadzieńnie vybaraŭ užo 24 lutaha, kali budzie čaćviortaja hadavina poŭnamaštabnaha ŭvarvańnia Rasii.
Učora viečaram Uładzimir Zialenski Ukrainskaj słužbie Bi-bi-si, skazaŭ, što ŭpieršyniu čuje pra datu 24 lutaha.
«Pieršy raz čuju pra heta. Ranicaj pračytaŭ u FT, ciapier čuju ad vas. Da vybaraŭ my pryjdziom tady, kali buduć harantyi biaśpieki. Ja ŭžo kazaŭ: budzie spynieńnie ahniu — buduć vybary. Heta pytańnie biaśpieki», — adznačyŭ prezident Ukrainy, adkazvajučy na pytańni žurnalistaŭ u čacie Ofisa prezidenta.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon13
Kamientary
Cichanoŭskaj na zamietku. Jakaja kazała, što źbirajecca pryŭročyć svoj vizit vas Ukrainu da hetaj daty 24.02.