U ZŠA biazdomny mužčyna zabiŭ 23-hadovuju ŭkrainskuju mastačku i madel
U amierykanskim horadzie Šarłot (štat Paŭnočnaja Karalina) zabita 23-hadovaja hramadzianka Ukrainy Iryna Zaruckaja. Pavodle infarmacyi palicyi, trahiedyja adbyłasia ŭviečary 22 žniŭnia na čyhunačnym vakzale. Zaruckaja atrymała śmiarotnyja ŭdary nažom i pamierła na miescy.
Jak paviedamlaje New York Post, napad ździejśniŭ 34-hadovy biazdomny mužčyna, jakoha zatrymali nieŭzabavie paśla incydentu.
Iryna Zaruckaja była mastačkaj i madellu. U ZŠA jana pierajechała ŭ 2023 hodzie, uciakajučy ad vajny va Ukrainie, vučyłasia ŭ kaledžy. Jaje śmierć paćvierdziła administracyja kaledža, apisaŭšy Zaruckuju jak talenavituju i dobrazyčlivuju asobu.
Vizažystka Uljana Kazłoŭskaja, jakaja pracavała ź Irynaj, nazvała jaje «pryhažuniaj i sapraŭdnaj mastačkaj». Siabry dziaŭčyny adznačajuć, što dziaŭčyna maryła pra novaje žyćcio ŭ biaśpiečnaj krainie, ale stała achviaraj žorstkaha złačynstva.
Pavodle miascovych ŚMI, padazravany raniej byŭ nieadnarazova sudzimy: za kradziež, uzbrojenyja rabavańni i pahrozy. Jon byŭ asudžany na 5 hadoŭ źniavoleńnia.
U studzieni 2025 hoda, paśla psichałahičnaj pravierki, jon vykazvaŭ «tryvožnyja dumki» i śćviardžaŭ, što ŭ jaho ciele «štučny materyjał», jaki kantraluje jaho dziejańni.
Pakul nie zrazumieła, ci byli Zaruckaja i napadnik znajomyja. Palicyja nie vyklučaje mahčymaści vypadkovaha napadu. «Pakul nam nie viadoma, što mienavita pryviało da trahiedyi — kanflikt, vypadkovaja svarka ci niešta inšaje», — zajaviŭ pradstaŭnik palicyi.
«Jana pakinuła Ukrainu, kab palepšyć svajo žyćcio», — skazaŭ žurnalistam siabar siamji Zaruckaj. A ŭ rešcie rešt jaje zabili prosta tamu, što jana apynułasia nie ŭ tym miescy i nie ŭ toj čas.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary