«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
Rynak staličnaj arendy nie pierastaje ździŭlać.
U Minsku zdajecca studyja ahulnaj płoščaj 26 kvadrataŭ pa adrasie Ščamialova, 30. Jana mieścicca na 14‑m paviersie 25‑paviarchovika, pabudavanaha letaś.
U adroźnieńnie ad niekatorych inšych kvater, jakija zdajuć biez ramontu, hetaje pamiaškańnie tak-siak padrychtavana dla žyćcia. Na padłozie lažyć łaminat. U asnoŭnym pakoi jość kuchonnaja zona z umyvalnikam, stalešnicaj i pieranosnaj elektraplitkaj na dźvie kanforki.
Sami šafiki, vidać, sabranyja ź nielikvidnych častak, bo dźviercy roznaha koleru. Majucca chaładzilnik, stoł i dźvie taburetki. U vannym pakoi, aproč samoj vanny i tualeta, staić pralnaja mašyna. Ale dla žyćcia tam jak minimum treba dadać šafu i łožak.
U apisańni paznačana, što kvatera zdajecca na praciahły termin, u joj možna žyć z žyviołami. Zdajecca pa damovie, patrebny załoh.
Za miesiac pražyvańnia ŭ takoj kvatery prosiać 280 dalaraŭ.
Abjavu aktyŭna abmiarkoŭvajuć u Treds. Dopis nabraŭ užo kala 165 tysiač prahladaŭ i bolš za sotniu kamientaroŭ.
Mnohija žartujuć, što ŭ kvatery zrobleny ramont u styli łoft: «Žorstki łoft», «Heta łoft. Vy nie šarycie», «Łoft Pro Max».
Taksama kamientatary zadajucca pytańniem, navošta patrebny załoh u takoj kvatery. «Załoh za što, prabačcie? Arendadaŭca pieražyvaje, što vy cehłu vyniesiecie?» — zadajecca pytańniem karystalnica. «Dziŭna, zabylisia ž dapisać, što biez žyvioł i bieź dziaciej», — dadaje inšaja kamientatarka.
Ale jość i tyja, chto ličyć, što kvatera znojdzie svajho arendatara. «I na takoje svoj klijent znojdziecca… za 250 u.a. dakładna zdaduć… Para ŭžo pryjezdžym pryvykać, što žyć u Minsku doraha», — adznačaje adzin z karystalnikaŭ.
«Chaciełasia b choć niejkija dźviery ŭ sanvuzieł. Ale kali vybirać pamiž «babušatnikam» i hetym, ja b vybrała heta», — reziumuje jašče adna dziaŭčyna.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary