Kiraŭnik MZS Ukrainy paabiacaŭ lustrana adkazvać na ŭsie kroki Polščy: Naŭrocki atrymlivaje apładysmienty z Maskvy
Andrej Sibiha vystupiŭ z žorstkaj zajavaj na adras prezidenta Polščy Karala Naŭrockaha.
Ministr zamiežnych spraŭ Ukrainy paabiacaŭ lustrana adkazvać na ŭsie niesiabroŭskija kroki Polščy.
«My budziem lustrana adkazvać na ŭsie kroki, asabliva kali hetyja kroki niesiabroŭskija i źnievažalnyja dla našaj krainy. Čas ihnaravańnia prajšoŭ.
[Prezident Polščy Karal] Naŭrocki vystupiŭ razburalnikam tych pazityŭnych napracovak, jakich my dasiahnuli apošnim časam. Niezdarma jon atrymlivaje apładysmienty z Maskvy», — zajaviŭ Sibiha.
Ministr adznačyŭ, što mnohija partniory Ukrainy prajavili salidarnaść i asudzili dziejańni prezidenta Polščy.
«My zaklikajem palakaŭ da ŭzvažanaści i dypłamatyi. My adkrytyja da palityčnaha dyjałohu. My štodnia razmaŭlajem z našymi polskimi siabrami pra toje, jak zachavać dypłamatyčny trek. My abjadnanyja supolnymi vyklikami, intaresami i supolnaj jeŭrapiejskaj budučyniaj», — skazaŭ Sibiha.
Jon dadaŭ, što Ukraina i Polšča musiać pazbavicca ad upłyvu minułaha na našy adnosiny.
«Važna adkłaści emocyi ŭ bok. U nas jość miechanizmy, papiaredni pazityŭny dośvied, vola. Ukraina hatovaja da sumlennaha i raŭnapraŭnaha dyjałohu. Naša subjektnaść raście. Kamuści heta moža nie padabacca, ale heta realii». — adznačyŭ ministr.
Kanflikt pamiž Varšavaj i Kijevam uźnik paśla taho, jak u mai 2026 hoda Uładzimir Zialenski prysvoiŭ adnamu z padraździaleńniaŭ ukrainskich Sił śpiecyjalnych apieracyj hanarovaje najmieńnie «Hierojaŭ Ukrainskaj paŭstanckaj armii». U Polščy heta vyklikała krytyku praz suviaź UPA z padziejami na Vałyni ŭ 1943—1944 hadach.
Paśla rašeńnia Naŭrockaha ab pazbaŭleńni Zialenskaha ordena Biełaha Arła, jaki toj atrymaŭ ad byłoha prezidenta Polščy Andžeja Dudy, ukrainski lidar viarnuŭ uznaharodu ŭ Polšču. Paśla hetaha anałahičnaje rašeńnie pryniałi Kučma, Juščanka i Parašenka. Viarnuli taksama svaje ŭznaharody ministr zamiežnych spraŭ Ukrainy Andrej Sibiha, kiraŭnik administracyi prezidenta Ukrainy Kiryła Budanaŭ, pasoł Ukrainy ŭ Polščy Vasil Bodnar.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary
Nie razumna.
Bolš mudraści kiraŭnikam abodvuch krain, mienš papulizmu i miedyja-skandałaŭ. Znajści sposab zbavić abaroty i cicha źlić hetuju dypłamatyčnuju vajnu. Žyćcio ludziej ad jaje zaraz nie zaležyć, u adroźnieńnie ad realnaj pahrozy z uschodu.