U Polščy znajšli GPS-pieradatčyk u vahonie, jaki jeździŭ u Biełaruś i Ukrainu
U Poznani ŭnutry hruzavoha vahona znajšli pradmiet, što nahadvaje GPS-pieradatčyk. Vyśvietliłasia, što na praciahu apošniaha hoda hety vahon byvaŭ u Biełarusi i Ukrainie. Palicyja pačała śledstva, pra znachodku paviedamili ŭ Ahienctva ŭnutranaj biaśpieki, piša Most.
Jak paviedamlaje telekanał TVN24, pradmiet, padobny da GPS-pieradatčyka, znajšli supracoŭniki čyhunačnaha pieravozčyka PKP Cargo padčas płanavaha absłuhoŭvańnia paŭvahona. Heta čyhunačny vahon biez dachu, pryznačany dla pieravozki hruzaŭ, jakija nie patrabujuć abarony ad apadkaŭ. Vahon ź lutaha stajaŭ na zapasnym šlachu ŭ Poznani, a da hetaha zajazdžaŭ u Biełaruś i Ukrainu.
Čyhunačniki paviedamili ŭ palicyju, jakaja nakiravała na miesca śledčuju hrupu.
«Hety pradmiet, jaki nahadvaje GPS-pieradatčyk, budzie adpraŭleny na łabaratornuju ekśpiertyzu. Jaje meta — u pieršuju čarhu adkazać na pytańnie, čym źjaŭlajecca hetaje prystasavańnie, jakija paviedamleńni abo infarmacyju jano ŭtrymlivała i jakija ślady my možam na im znajści», — raspavioŭ Łukaš Paterski z poznanskaj palicyi.
Tamu, chto ŭstalavaŭ pieradatčyk, pahražaje da dvuch hadoŭ pazbaŭleńnia voli.
Čyhunačnaja kalaina ŭ Polščy i bolšaści jeŭrapiejskich krain vuziejšaja, čym u Biełarusi i postsavieckich dziaržavach. Na pamiežnych terytoryjach rejki jeŭrapiejskaha standartu ŭ niekalkich miescach zachodziać u Biełaruś. Raniej nieadnarazova zdaralisia vypadki, kali vahony, jakija kursujuć praz polska-biełaruskuju miažu, vykarystoŭvali dla kantrabandy cyharet u Polšču.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
Što hety vahon pieravoziŭ?