Karol Niderłandaŭ zapaliŭ na mundyjali: zaŭzieŭ suprać Šviecyi, a potym patančyŭ u raździavalni Kiurasaa
Karaleŭskaja siamja naviedała za siem hadzin dva matčy: Niderłandy — Šviecyja i Kiurasaa — Ekvador.
Karaleŭskaja siamja Niderłandaŭ prybyła na čempijanat śvietu, dzie ŭ subotu praviała pryjemny dzień: ich paradavali zbornyja abiedźviuch krain, što ŭvachodziać u skład karaleŭstva.
Niderłandcy ŭ Chjustanie razhramili Šviecyju — 5:1. Karol Vilem Alaksandr, karaleva Maksima i 19‑hadovaja pryncesa Aryjana horača zaŭzieli na trybunach.
Potym karol schadziŭ u raspranalniu, dzie abaronca Virdžył van Dejk nie ŭpuściŭ mahčymaści zrabić sełfi.
Hałkipier Bart Vierbruhien taksama zrabiŭ fota ź Vilemam-Alaksandram: «Heta było pryjemna. Karol skazaŭ, što ja dobra zhulaŭ i što jamu spadabaŭsia matč».
A potym karaleŭskaja siamja palacieła ŭ Kanzas-sici, dzie Kiurasaa damahłosia histaryčnaj ničyjoj z Ekvadoram (0:0). Jana prysutničała na abiedźviuch hulniach — i heta było viesieła.
Jany navat adkłali ŭbok aranžavyja kolery i pieraapranulisia ŭ siniaje bo mianuška astraŭnoj kamandy — «Siniaja chvala». I ściah u Kiurasaa sini — adsyłka da nieba i Karybskaha mora, piša sports.ru.
Paśla matču manarch zajšoŭ u raździavalniu, kab pavinšavać Dzika Advakata i ŭsiu zbornuju ź pieršym nabranym bałam na čempijanatach śvietu.
Atmaśfiera była vielmi rassłablenaja — nijakaha aficyjozu, vysokija hości prosta patancavali razam z hulcami.
King Willem-Alexander and Queen Máxima of the Netherlands joined Curaçao's players in celebrating a historic moment on Saturday after the Caribbean nation earned its first-ever FIFA Women's World Cup point with a goalless draw against Ecuador.
The Dutch royal couple began their… pic.twitter.com/Mwr0Or60ux
Na matčy Vilem-Alaksandr siadzieŭ pobač z Džani Infancina, a paśla hulni vydaŭ nievialiki stendap: «Ja tut hość FIFA, tamu kali na matčy prysutničaje Infancina, ja siadžu pobač ź im. Ale, mahčyma, ja paśpieŭ prapanavać jamu niekalki kandydatur na Premiju miru na najbližejšyja hady.
Kali kazać pra hulniu, to niekalki razoŭ ja navat hladzieŭ, dzie znachodzicca defibrylatar, bo jon moh mnie spatrebicca. Časam heta było nie vielmi karysna dla majho serca. Ja ŭdziačny, što zmoh trapić u hetuju raździavalniu ad imia astatnich 18 miljonaŭ trenieraŭ zbornaj».
U trecim tury Kiurasaa ŭ Fiładelfii zhulaje z Kot dJIvuaram, a Niderłandy ŭ Kanzas-sici z Tunisam.
Kiurasaa — nievialičkaja vyspa ŭ Karybskim mory z nasielnictvam 155 tysiač čałaviek. Samakiravanaje terytaryjalnaje ŭtvareńnie ŭ składzie Niderłandaŭ. Vostraŭ maje šyrokuju aŭtanomiju: ułasny ŭrad, parłamient, kanstytucyju i zakanadaŭstva, ale za źniešniuju palityku i abaronu adkazvajuć Niderłandy. Ale źjaŭlajecca členam FIFA, jak Hibrałtar ci Farerskija vyspy.
Ciapier čytajuć
Hety małady biełarus stajaŭ la vytokaŭ ChatGPT. Voś što jon zrabiŭ5
Kamientary
Takoha kiraŭnika lubić i narod.
Hora narodu kali ŭ krainie haŭlajtar ci režym jaki nienavidzić narod, jaho movu, kulturu, symbały, historyju, źnievažna stavicca da ludziej.
Nie ŭjaŭlaju nijakaj ščyraj lubovi ci radaści da haŭlajtara navat ŭ sporcie.
Adčuvaju radaść ŭ Niderłandcaŭ za ich karala i ich krainu.