Uzrovień niebiaśpieki padvyšany da aranžavaha. Na Biełaruś iduć zalevy, škvalny viecier i hrad
Siońnia nadvorje ŭ Biełarusi rezka pahoršycca, u suviazi z čym sinoptyki pavysili ŭzrovień niebiaśpieki z žoŭtaha da aranžavaha.
Z 9 da 15 hadzin u mnohich rajonach Biełarusi čakajucca navalnicy, jakija miescami buduć supravadžacca mocnymi liŭniami, hradam i škvalistym uzmacnieńniem vietru paryvami da 15—20 m/s. Navalničnaja abstanoŭka zachavajecca nad krainaj da kanca dnia.
Asnoŭny štarmavy front pryjdziecca na poŭdzień i paŭdniovy ŭschod krainy. Ekstremalnyja źjavy tut spravakuje mocny tempieraturny kantrast.
Ahułam pa krainie pavietra prahrejecca ad +24°S da +30°S. Pry hetym pa paŭnočnaj pałovie krainy čakajecca bolš kamfortnaje nadvorje z tempieraturaj +23…+26°S, u toj čas jak na poŭdni słupki termomietraŭ paśpiejuć padniacca da +28…+30°S, što i stanie katalizataram niebiaśpiečnych pryrodnych źjaŭ.
Niepahadź nie minie i stalicu. U Minsku ŭ pieryjad z 11 da 15 hadzin prahnazujecca navalnica, padčas jakoj mahčyma škvalistaje ŭzmacnieńnie vietru z paryvami da 15—20 m/s.
Žycharam krainy, asabliva paŭdniova-ŭschodniaha rehijona, rekamiendujecca być maksimalna aściarožnymi, ščylna začyniać vokny, nie pakidać aŭtamabili pad drevami ci pobač z chistkimi kanstrukcyjami.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary