30 červienia pravaabaroncy pryznali palitviaźniami jašče 12 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 863 čałavieki.
U śpis palitźniavolenych dadali nastupnyja proźviščy:
Dźmitryj Viałaŭ, Andrej Siarhiejeŭ, Aleh Stefanovič, Lidzija Atamaniuk, Viktar Nikifaraŭ, Mikałaj Łanievič, Andrej Łatyševič, Varvara Łatyševič, Mikałaj Paškoŭ, Ihar Sutyrka, Taćciana Korsakava i Dźmitryj Korsakaŭ.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 863 čałavieki. Apošnim časam ahulnaja ich kolkaść istotna nie raście i navat źmianšajecca, časam zaŭvažna. Ale heta nie tamu, što represii ŭ Biełarusi źmianšajucca, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, u tym liku pry pasiarednictvie ZŠA, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Ciapier čytajuć
Kola Łukašenka skončyŭ univiersitet — ci trapić jon pad bližejšy pryzyŭ u armiju ci zmoža adkasić?25
Kamientary