У Мінску прадаюць студыю з рамонтам танней за 35 тысяч долараў. Чаму такая цана?
Гэтая студыя ў Чыжоўцы — самая танная з усіх, што прадаюцца цяпер у Мінску. У ёй зроблены рамонт — праведзены новыя камунікацыі, электраправодка, вентыляцыя. Але ёсць нюансы, піша Realt.
Дзевяціпавярховая панэлька 1977 года знаходзіцца па адрасе Убарэвіча, 148 корпус 2. Гэта Чыжоўка-2 побач з праездам Галадзеда каля МКАД.
Да аўтобуснага прыпынку — менш за 200 метраў.
Памяшканне знаходзіцца на першым паверсе. Уваход — з пад’езда. Агульная плошча — 11,8 квадрата.
Тут усталявана невялікая кухня і стаіць канапа. На кухні ёсць партатыўная электрапліта. Падключана пральная машына. Арганізаваны асобны санвузел — душавая і ўнітаз. На падлозе ўсюды ляжыць плітка. Праведзенае оптавалакно.
У агенцтве, якое займаецца продажам, абяцаюць пры неабходнасці дапамагчы вывесці памяшканне ў жылы фонд. Пакуль гэта адміністрацыйнае памяшканне, прапісацца тут не атрымаецца.
Але выкарыстоўваць для сябе ці здаваць у арэнду можна. Цяпер кватэру-офіс здаюць за 250 долараў у месяц.
Цана студыі — 34 900 долараў, а квадрата — 2 958 долараў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку7
Каментары