Śpiecyjalny rejs avijakampanii «Biełavija» vylecieŭ z Dochi ŭ Minsk, kab dastavić na radzimu biełaruskich turystaŭ. Pra heta paviedamili ŭ Ministerstvie zamiežnych spraŭ Biełarusi.
Pavodle infarmacyi viedamstva, palot staŭ mahčymy paśla pieramoŭ biełaruskaha i katarskaha bakoŭ, bo ciapier dziejničajuć abmiežavańni na avijazłučeńnie. Dziakujučy sumiesnaj pracy Ministerstva zamiežnych spraŭ Biełarusi, pasolstva Biełarusi ŭ Katary i avijakampanii «Biełavija» ŭdałosia atrymać dazvoł na vykanańnie rejsa.
U MZS adznačyli, što «Biełavija» stała pieršaj zamiežnaj avijakampanijaj, jakoj Katar dazvoliŭ vyvieźci turystaŭ. Dla hetaha aeraport Chamad u Dosie časova adkryŭsia dla pryjomu biełaruskaha samalota, i tam byli zadziejničanyja ŭsie nieabchodnyja słužby, u tym liku dadatkovyja miery biaśpieki.
Biełaruski bok vykazaŭ padziaku ŭładam Katara — u tym liku Ministerstvu zamiežnych spraŭ, Ministerstvu abarony, Ministerstvu ŭnutranych spraŭ i Departamientu cyvilnaj avijacyi — za dapamohu ŭ arhanizacyi vyletu hramadzian Biełarusi.
Prybyćcio samalota ŭ Minsk čakajecca najbližejšym časam.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary