Administracyja ZŠA patrabuje ad Paŭdniova-Afrykanskaj Respubliki vyjści arhanizacyi BRIKS, piša The Moscow Times. Pra heta zajaviŭ amierykanski pasoł u PAR Lea Brent Bozeł, spasyłajučysia na prezidenta Donalda Trampa, jaki nibyta skazaŭ: «Ja chaču, kab PAR znoŭ była niedałučanaj krainaj. Niedałučeńnie — nie takaja ŭžo vialikaja prośba».
Pa słovach Bozeła, Vašynhton paviedamiŭ pra heta ŭradu PAR amal hod tamu, ale adkazu tak i nie atrymaŭ. Pasoł adznačyŭ, što ŭsio bolšaje supracoŭnictva PAR z krainami, jakija ZŠA ličać praciŭnikami, vyklikaje zaniepakojenaść i ŭpłyvaje na davier inviestaraŭ.
Akramia vychadu z BRIKS, ZŠA patrabujuć pierahledzieć zakon ab eksprapryjacyi i prahramu Black Economic Empowerment, asudzić łozunh «Zabi bura», abaranić biełych fiermieraŭ i admovicca ad pazovu da Izraila ŭ Mižnarodnym sudzie AAN pa pytańni «hienacydu» paleścincaŭ.
PAR dałučyłasia da BRIKS u 2011 hodzie i ciapier uvachodzić u arhanizacyju razam z Rasijaj, Kitajem, Brazilijaj, Indyjaj, Jehiptam, Iranam, AAE, Efiopijaj i Indaniezijaj. Pry hetym urad PAR imkniecca zachavać dostup da amierykanskaha rynku ŭ ramkach AGOA, što daje bieśpieraškodny dostup dla tysiač afrykanskich tavaraŭ.
Raniej Tramp pahražaŭ, što chutka skončyć z BRIKS, kali krainy błoka pasprabujuć stvaryć surjoznaje abjadnańnie abo ŭvieści valutu zamiest dalara, i navat abiacaŭ uvieści pošliny na 100% na ich pradukcyju.
Tramp zajaviŭ, što ZŠA nie buduć udzielničać u samicie G20 u PAR
Tramp rezka źniziŭ kolkaść uciekačoŭ, jakich prymuć ZŠA. Pryjarytet addaduć biełym paŭdniovaafrykancam
«Stralaj u bura». Što pakazaŭ Donald Tramp prezidentu Paŭdniovaj Afryki
Tramp pravioŭ skandalnuju sustreču z prezidentam PAR. Jana nahadvała pryjom u Biełym domie Zialenskaha
Kamientary
Astatniaje možna nie vykonvać.
Mnie voś cikava, što tam takoha epštejn nazdymaŭ pra trampa dla massada, što jon jak lalka rezinavaja vykarystoŭvajecca.