Były kiraŭnik «Folksvahiena» zaklikaŭ i radykalna refarmavać Hiermaniju, i zamianić ES na sajuz inšaha typu
Były hienieralny dyrektar Volkswagen Macijas Miuler zajaviŭ, što Hiermanija znachodzicca ŭ hłybokim kryzisie i ruchajecca da madeli, jakuju jon nazvaŭ «HDR 2.0», piša BILD.
U intervju vydańniu t-online Miuler raskrytykavaŭ ciapierašniuju palityku ŭład i zajaviŭ, što kraina pieratvaryłasia ŭ «dziaržavu poŭnaj apieki», dzie hramadzianie ŭsio bolš zaležać ad uład i paźbiahajuć asabistaj adkaznaści.
Pavodle jaho słoŭ, biez maštabnych reform Hiermaniju čakaje praciahły ekanamičny spad.
«Mnohija zaklikajuć da pieramien, ale kali sprava dachodzić da sutnaści, nichto nie choča, kab heta zakranuła ludziej. Nam patrebnyja reformy va ŭsich halinach, inakš my sutykniomsia z zaniapadam ekanamičnaha rostu, niabačanym za apošnija dziesiacihodździ», — skazaŭ Miuler.
Jon taksama vystupiŭ za pierahlad palityčnaj izalacyi partyi «Alternatyva dla Hiermanii».
«Vybarščyki AdH — heta całkam narmalnyja ludzi, jakija, mahčyma, raniej hałasavali za CHDS abo CHSS i źviarnulisia da ich u adčai», — adznačyŭ Miuler.
Akramia taho, jon prapanavaŭ pravieryć finansavańnie niaŭradavych arhanizacyj.
«U Hiermanii naličvajecca kala 15 000 NKA z sotniami tysiač supracoŭnikaŭ, jakija ŭ asnoŭnym atrymlivajuć zarpłatu sa srodkaŭ padatkapłacielščykaŭ. Nam pavinna być dazvolena zadacca pytańniem, prymalna heta ci nie», — dadaŭ były dyrektar Volkswagen.
U vonkavym palityčnym płanie Miuler ličyć, što Jeŭrasajuz u ciapierašnim vyhladzie zanadta razdrobleny i sastupaje ZŠA i Kitaju.
Zamiest sajuza z 27 krain jon prapanuje stvaryć bolš ščylnaje abjadnańnie niekalkich mocnych dziaržaŭ, uklučajučy Hiermaniju, Francyju, Polšču i Vialikabrytaniju, vakoł jakich mahła b sfarmavacca novaja, bolš kiravanaja struktura ES.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary