Dron, jaki zalacieŭ u Litvu i tam uzarvaŭsia, nie byŭ zafiksavany litoŭskimi radarami
U Varenskim rajonie Litvy kala vioski Łavisas, vierahodna, upaŭ i vybuchnuŭ bieśpiłotnik. Pra heta paviedamiŭ pradstaŭnik litoŭskaj armii major Hintaŭtas Ciunis, paviedamlaje Delfi.lt.
Pa słovach litoŭskaha vajskoŭca, na miescy zdareńnia ŭžo znajšli ruchavik unutranaha zharańnia, jaki vykarystoŭvajecca ŭ niekatorych dronach, tamu jość padstavy ličyć, što heta byŭ mienavita bieśpiłotnik.
Infarmacyja pra incydent pastupiła ad miascovych žycharoŭ: jany čuli huk, padobny da palotu drona, a paśla — vybuch. Na lodzie voziera Łavisas znajšli dzirku i abłomki, padobnyja da mietaličnych častak. Na miesca adrazu prybyli palicyja, ratavalniki i śpiecyjalnyja słužby. Častku frahmientaŭ užo znajšli, astatnija praciahvajuć šukać dla dalejšaha rasśledavańnia.
Akramia ruchavika, znajšli taksama mietaličnyja i płastykavyja detali, ale śladoŭ vybuchovych rečyvaŭ pakul nie znojdziena. Dakładna nieviadoma, adkul prylacieŭ hety abjekt, adnak nie vyklučajecca, što jon moh pierasiačy miažu z boku Biełarusi.
Pry hetym radary litoŭskaha vojska nie zafiksavali palot abjekta, a pamiežnyja słužby taksama ničoha nie zaŭvažyli. Zaraz źbirajucca ŭsie dokazy, paśla čaho śpiecyjalisty praviaduć rasśledavańnie, kab vyśvietlić, što mienavita adbyłosia.
Pakul nieviadoma, ci ŭjaŭlaŭ hety abjekt niebiaśpieku, ale sam fakt vybuchu śviedčyć, što pahroza mahła być. Usie vysnovy, jak paviedamlajecca, buduć zroblenyja paśla zaviaršeńnia rasśledavańnia.
Ciapier čytajuć
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ2
Kamientary