U Estonii bieśpiłotnik, jaki prylacieŭ z Rasii, urezaŭsia ŭ elektrastancyju
Nichto nie paciarpieŭ.
Zamiežny bieśpiłotnik urezaŭsia ŭ komin Aŭvieraskaj elektrastancyi na paŭnočnym uschodzie Estonii, paviedamlaje Delfi sa spasyłkaj na Departamient palicyi biaśpieki.
Pavodle danych pravaachoŭnikaŭ, heta adbyłosia 25 sakavika ŭ 3:43 nočy. Nichto nie paciarpieŭ. Enierhietyki paviedamili, što stancyja nie atrymała istotnych paškodžańniaŭ, na stan enierhasistemy incydent nie paŭpłyvaŭ.
Bieśpiłotnik uvajšoŭ u pavietranuju prastoru Estonii z pavietranaj prastory Rasii.
Pavodle najaŭnaj infarmacyi, dron nie byŭ nakiravany na Estoniju. Ciapier pravodziacca pieršasnyja dziejańni, rasśledavańnie vyśvietlić dakładnyja abstaviny, — cytuje Delfi hienieralnaha prakurora Estonii Astryd Asi.
Raniej u sieradu pra traplańnie bieśpiłotnika ŭ pavietranuju prastoru Łatvii z boku Rasii paviedamiła Ministerstva abarony Łatvii. Abłomki byli znojdzienyja ŭ rajonie horada Krasłava na paŭdniovym uschodzie krainy, niedaloka ad miažy ź Biełaruśsiu, nichto nie paciarpieŭ.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary